પટેલ કોલોની વિસ્તારમાં સાદી ટપાલોનું વિતરણ નિયમિત કરવા માગ

જામનગરના પટેલ કોલોની વિસ્તારમાં સાદી ટપાલોનું નિયમિત વિતરણ થતું ન હોય આ અંગે વિસ્તારના રાજેશ સોલંકી દ્વારા પોસ્ટ માસ્તરને પત્ર લખી રજૂઆત કરવામાં આવી છે.

જેમાં જણાવ્યું છે કે, પટેલ કોલોની વિસ્તારમાં પોસ્ટમેન દ્વારા સાદી ટપાલનું વિતરણ કરવામાં આવતું નથી. આ અંગે અવાર-નવાર તેમનું ધ્યાન દોરતાં સાદી ટપાલ બંધ થઇ ગઇ છે અને ઘણુ કામ હોય, ટપાલ વિતરણ વિસ્તાર પણ મોટો હોય, અઠવાડીયામાં અમુક દિવસ જ ટપાલ વિતરણ કરવામાં આવે છે અને સાદી ટપાલ વિતરણ કરવી ફરજિયાત ન હોવાનું પણ પોસ્ટમેન દ્વારા જણાવવામાં આવે છે. તેના દ્વારા ફકત રજીસ્ટ્રર્ડ તેમજ સ્પીડ પોસ્ટની ટપાલનું વિતરણ કરવામાં આવે છે. આથી આ અંગે યોગ્ય કાર્યવાહી કરી નિયમિત સાદી ટપાલનું વિતરણ કરવા માગણી કરાઇ છે.