જામનગરમાંથી વધુ એક ચોંકાવનારો કેસ સામે આવ્યો છે જ્યાં ટેક્નોલોજીનો ખોટો ઉપયોગ ભયંકર રીતે બહાર આવ્યો છે. 59 વર્ષીય વેપારી ફારૂક ઉર્ફે રાજુ ગજરને પોતાની સ્ત્રીમિત્ર સાથે ચોકલેટ ખાવું બહુ મોંઘું પડી ગયું.
સુભાષ માર્કેટ સ્થિત એક ડ્રાયફ્રૂટ્સ દુકાનમાં તેઓ સ્ત્રીમિત્ર સાથે ચોકલેટ ખવડાવતા નજરે પડ્યા હતા. આ દ્રશ્યો દુકાનના સીસીટીવી કેમેરામાં કેદ થઈ ગયા હતા. ત્યારબાદ દુકાનના માલિક અબ્દુલસત્તાર ઉર્ફે અબુ કાસમ લાખાણી તથા તેના સાથી સમીર રાવકરડાએ આ વીડિયો હથિયાર બનાવી વેપારીને બ્લેકમેઈલ કરવાનું શરૂ કર્યું.
સાંકળબદ્ધ રીતે પહેલી વાર વીડિયો વાયરલ કરવાની ધમકી આપીને 50 હજાર રૂપિયા પડાવ્યા. ત્યારબાદ બીજીવાર વધુ એક લાખની માંગણી કરવામાં આવી. જ્યારે વ્યાપારીએ પૈસા આપવા ઇનકાર કર્યો તો વીડિયો સોશિયલ મીડિયામાં ફેલાવી દેવામાં આવ્યો. આ ઘટનામાં માત્ર નાણાંકીય નુકશાન નથી થયું, પરંતુ વેપારીને સમાજમાં બદનામીનો સામનો પણ કરવો પડ્યો. મામલે વેપારીએ પોલીસમાં ફરિયાદ નોંધાવતા, પોલીસે ગુનો નોંધી બંને આરોપીઓની ધરપકડ કરી લીધા છે અને આગળની તપાસ શરૂ કરી છે.
આ ઘટનામાં સ્પષ્ટ સંદેશ મળે છે કે ટેક્નોલોજીનો દુરુપયોગ વ્યક્તિની ખાંડ મિઠાસભરી પળોને દુ:ખદ બની શકે છે. ગ્રાહકોની ખાનગી ક્ષણો સીસીટીવીના દુરુપયોગ દ્વારા કેવી રીતે બ્લેકમેઈલમાં ફેરવી શકાય છે તેનું આ જીવતુંજાગતું ઉદાહરણ છે. જામનગર પોલીસે એલર્ટ રહેવા લોકોને અપીલ કરી છે કે આવા કોઈપણ બ્લેકમેઈલના શિકાર થાતા તરત પોલીસ સંપર્ક કરો અને કાયદેસરકાર્યવાહીકરો.
