લાલપુરમાંથી જાહેરમાં તીનપત્તીનો જુગાર રમતી 6 મહિલાઓ પકડાઈ

જામનગર જીલ્લાના લાલપુર તાલુકામાં પોલીસે તીનપત્તીનો જુગાર રમતી 6 મહિલાને રૂ 10,160ની રોકડ અને ગંજીપના સાથે ઝડપી લઇ આગળની કાર્યવાહી હાથ ધરી હતી. જામનગરના શંકર ટેકરીમાં જાહેરમાં વર્લીમટકાના આંકડા લખી જુગાર રમતા એક શખ્સને ઝડપી લઇ કાર્યવાહી કરી હતી.

પ્રથમ દરોડામાં જામનગર જીલ્લાના લાલપુર તાલુકામાં ધરારનગર વિસ્તારમાં જાહેરમાં તીનપત્તીનો જુગાર રમતી 6 મહિલાને પોલીસે રેઈડ દરમ્યાન 10,160ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી.

બીજા દરોડામાં જામનગર શહેરમાં શંકર ટેકરી શાસ્ત્રીનગર શંકર ભગવાનના મંદિરની સામે જાહેરમાં વર્લી મટકાના આંકડા લખતા પીયુષ મહેન્દ્રભાઈ ચાન્દ્રા નામના શખ્સને પોલીસે રેઇડ દરમ્યાન 5000ની કિંમતના મોબાઈલતથા 100 રોકડ સાથે ઝડપી લઇ આગળની કાર્યવાહી હાથ ધરી હતી.