મોરકંડા રોડ પર રેતી ભરેલા ડમ્પરની પલ્ટી

જામનગર શહેરના મોરકંડા રોડ પર રેતી ભરેલું ડમ્પર એકાએક પલ્ટી મારી ગયું હતું. જો કે સદનસીબે કોઇ જાનહાની થઈ ન હતી.

આ અંગેની વિગત મુજબ, જામનગર શહેરના મોરકંડા રોડ પર સવારના સમયે વરસાદી વાતાવરણ વચ્ચે જીજે-10-ટીએકસ-4175 નંબરનું રેતી ભરેલું ડમ્પર પલ્ટી મારી ગયું હતું. ડમ્પરને જેસીબીની મદદથી ઉભુ કરી રસ્તો ખુલ્લો કરાવાયો હતો. ડમ્પરચાલક તેમાંથી બહાર નિકળી જતા સદનસીબે કોઇ જાનહાની થઈ ન હતી.