જામનગર શહેરમાં ખંભાળિયા નાકા બહાર કિશાન ચોક રોડ પર જાહેરમાં ઘોડીપાસાનો જૂગાર રમતા ત્રણ શખ્સોને પોલીસે રૂા.14,300 ની રોકડ રકમ સાથે ઝડપી લીધા હતાં. જામનગરના મોટાપીર ચોકમાં જાહેરમાં એકીબેકીનો જૂગાર રમતા બે શખ્સોને રૂા.2700 ની રોકડ રકમ સાથે ઝડપી લીધા હતાં. જામનગર તાલુકાના નાઘેડી ગામમાંથી તીનપતિનો જૂગાર રમતા ચાર શખ્સોને રૂા.1380 ની રોકડ રકમ સાથે પોલીસે ઝડપી લીધા હતાં.
જૂગાર દરોડાની વિગત મુજબ, પ્રથમ દરોડો જામનગર શહેરના કિશાન ચોક રોડ પર જાહેરમાં ઘોડીપાસાનો જુગાર રમતા હોવાની પો.કો. ખોડુભા જાડેજા, રાજેન્દ્રસિંહ ડોડિયાને મળેલી બાતમીના આધારે પીઆઈ એન.એ.ચાવડા, પીએસઆઇ બી.એસ.વાળા, હેકો. દેવાયતભાઈ કાંબરીયા, રવિરાજસિંહ જાડેજા, મહિપાલસિંહ જાડેજા, શૈલેષભાઈ ઠાકરીયા, સુનિલભાઈ ડેર, મહેન્દ્રભાઈ પરમાર, પો.કો. શિવરાજસિંહ રાઠોડ, રાજેન્દ્રસિંહ ડોડિયા, ખોડુભા જાડેજા, ઋષિરાજસિંહ જાડેજા, રવિભાઈ શર્મા, વિક્રમસિંહ જાડેજા અને વિરેન્દ્રસિંહ જાડેજા, વિજયભાઈ કાનાણી, યોગેન્દ્રસિંહ સોઢા સહિતના સ્ટાફે રેઈડ દરમિયાન સચિન અમુભાઈ લખીયર, વિપુલ કરમશીભાઈ ખાંઢેખા, લખન ચંદ્રકાંતભાઇ ભદ્રા નામના ત્રણ શખ્સોને રૂા.14,300 ની રોકડ રકમ અને ઘોડીપાસાના બે નંગ સાથે ઝડપી લઇ ગુનો નોંધી આગળની કાર્યવાહી હાથ ધરી હતી.
બીજો દરોડો, જામનગર શહેરના મોટાપીર ચોક વિસ્તારમાં જાહેરમાં ચલણી નોટો પર એકી બેકીના આંકડાનો જૂગાર રમતા હુશેન આમદભાઈ અધામ અને કાદર ઉર્ફે છુકછુક મજીદભાઇ બાજરીયા નામના બે શખ્સોને સીટી એ ડીવીઝન પોલીસે રૂા.2700 ની રોકડ રકમ સાથે ઝડપી લીધા હતા. ત્રીજો દરોડો, જામનગર તાલુકાના નાઘેડી ગામ ખાણ વિસ્તારમાં તીનપતિનો જૂગાર રમતા મંગા કેશા જાદવ, જયેશ કલા ભાંભી, હીરા લાલજી સોલંકી, માલા ગોવા ભાંભી નામના ચાર શખ્સોને રૂા.1380 ની રોકડ રકમ અને ગંજીપના સાથે ઝડપી લઈ પંચ બી પોલીસે આગળની કાર્યવાહી હાથ ધરી હતી.
