કલ્યાણપુર તાલુકાના ભોપલકા ગામમાં રહેતો યુવાન કૂવામાં પડી જતાં ડુબી જવાથી તેનું મોત નિપજયું હતું. આ અંગે પોલીસે તપાસ હાથ ધરી છે.
આ બનાવની વિગત મુજબ કલ્યાણપુર તાલુકાના ભોપલકા ગામે રહેતા પીયુરાજસિંહ અશોકસિંહ જાડેજા નામના એક ગરાસિયા યુવાન શનિવારે મોડી સાંજના સમયે આ જ ગામે રહેતા એક આસામીની વાડીમાં આવેલા કુવામાં ન્હાવા માટે ઉતર્યા હતા. ત્યારે તેઓ કુવાના પાણીમાં ડૂબી જતા આ અંગે સ્થાનિક સરપંચ દ્વારા ફાયર વિભાગને જાણ કરવામાં આવી હતી. જેને અનુલક્ષીને જિલ્લા ફાયર અધિકારી મિતરાજસિંહ પરમારની સૂચના મુજબ ફાયર સ્ટાફના જવાનો તાકીદે આ સ્થળે પહોંચી ગયા હતા અને લાંબી જહેમત બાદ પીયુરાજસિંહ જાડેજાનો મૃતદેહ કૂવામાંથી બહાર કાઢવામાં આવ્યો હતો.
આ અંગે અશોકસિંહ પ્રભાતસિંહ જાડેજાએ કલ્યાણપુર પોલીસને જાણ કરતા પોલીસે અકસ્માત મૃત્યુ અંગેની નોંધ કરી, જરૂરી કાર્યવાહી કરી હતી.
