જામનગરમાં ટ્રેન હેઠળ આવી જતાં યુવાનનું મોત

જામનગર શહેરના વિજયનગર ફાટક પાસેથી પસાર થતી ટ્રેન હેઠળ આવીને કપાઈ જતા યુવાનનું મોત નિપજ્યું હતું. પોલીસે મૃતદેહનો કબ્જો સંભાળી ઓળખ મેળવવા તજવીજ હાથ ધરી હતી. આ અંગેની વિગત મુજબ, જામનગર નજીક આવેલા વિજયનગર ફાટક પાસે સોમવારે મધ્યરાત્રિના સમયે રેલવે ટ્રેક પરથી પસાર થતી ટ્રેન હેઠળ આવી જતાં અજાણ્યા યુવાનનું કપાઈ જતાં ઘટનાસ્થળે જ મોત નિપજ્યું હતું. આ અંગેની શકિલહુશેન દ્વારા જાણ કરાતા પીએસઆઈ વી.એલ. પરમાર તથા સ્ટાફે સ્થળ પર પહોંચી જઈ મૃતદેહનો કબ્જો સંભાળી પીએમ માટે મોકલી ઓળખ મેળવવા કાર્યવાહી હાથ ધરી હતી.