ફરિયાદી વારાહી ફાઇનાન્સના પ્રોપરાઇટર સુનિલ નવિનચંદ્ર ગોરી અને આ કામના આરોપી મધુબેન પ્રેમજીભાઇ વાઘેલા કે, જેઓ ફરિયાદી સાથે ઓળખાણ, પરિચય અને સંબંધ હોય જેથી નાણાની જરુરીયાત ઉપસ્થિત થતાં આ કામના ફરિયાદી પાસેથી અંગત લોન રૂા. 50,000 લીધી હતી અને આ રકમની પરત ચૂકવણી કરવા યુનિયન બેંક ઓફ ઇન્ડિયા જામનગર મ્યુ. કોર્પોરેશન શાખાનો રૂા. 50,000ના ચેક આપ્યો હતો.
જેથી ફરિયાદી દ્વારા આરોપીની સૂચના મુજબ ચેક તેમની બેંકમાં રજૂ કરતાં ફંડસ ઇન્સફીસીયન્ટ ના શેરા પરત ફરેલ હોય અને આ કામના ફરિયાદીને તેમની કાયદેસરની રકમ મેળવેલ ન હોય અને પોતાના નાણા પરત મેળવવા માટે આ કામના ફરિયાદી દ્વારા આરોપીને લીગલ નોટીસ મોકલાવેલ જે નોટીસ આરોપીને બજી ગયેલ છતાં આજદિન સુધી કોઇ જવાબ આપેલ ન હતો કે, ફરિયાદીની લેણી રકમ ચૂકવેલ ન હતી.
જેથી ફરિયાદી દ્વારા પોતાની લેણી રકમ પરત મેળવવા જામનગરની કોર્ટમાં ફરિયાદી દ્વારા આરોપી વિરુધ્ધ ધી નેગોશીયેબલ ઇન્સ્ટ્રુમેન્ટ એકટની કલમ 138 મુજબ ફોજદારી ફરિયાદ દાખલ કરી હતી. જે કોર્ટમાં ચાલી જતાં આ ચેક રિર્ટનની ફરિયાદ સમય મર્યાદામાં કાયદેસરની સાચી હોય અને ફરિયાદપક્ષ દ્વારા રજૂ કરવામાં આવેલ પુરાવાઓ તથા સમગ્ર ટ્રાયલ ધ્યાને લઇ જામનગરની કોર્ટે આ કામના આરોપી મધુબેન પ્રેમજીભાઇ વાઘેલાને તકસીરવાર ઠરાવીને પાંચ માસની સજા તથા રૂા. 50,000નો દંડ ચૂકવી આપવાનો અને જો દંડની રકમ ન ભરે તો વધુ પંદર દિવસની કેદની સજાનો હુકમ ફરમાવેલ છે. આ કામે ફરિયાદી તરફે જામનગરના યુવા ધારાશાસ્ત્રી જયેન્દ્રસિંહ એન. ઝાલા તથા નિરલ વી. ઝાલા તથા હરપાલસિંહ પી. ઝાલા તથા સત્યજીતસિંહ પી. જાડેજા રોકાયેલા છે.
