જામનગર શહેરના ધરારનગર વિસ્તારમાં શાળા નં.40 પાસે રહેતાં યુવાનને છેલ્લાં 6 માસથી આંખે ધુંધળુ દેખાતું હોય જેથી કોઇ કામ-ધંધો કરી શકતો ન હતો અને એકલવાયા જીવનમાં આર્થિક સંકળામણથી કંટાળી ગળેફાંસો ખાઈ જિંદગી ટુંકાવી હતી.
આ અંગેની વિગત મુજબ પ્રથમ બનાવ, જામનગર શહેરના ધરારનગર 2 વિસ્તારમાં આવેલી શાળા નં.40 પાસે રહેતાં શંકરભાઇ કાતરાયન પટેલ (ઉ.વ.36) નામના યુવાનને છેલ્લાં છ માસથી આંખમાં ધુંધળુ દેખાતું હોવાથી કોઇ કામ-ધંધો કરી શકતો ન હતો અને એકલવાયુ જીવન જીવતો હતો. આવી બેકાર રહેવાની સ્થિતિના કારણે આર્થિક સંકળામણ અનુભવતા યુવાને જિંદગીથી કંટાળી ગુરૂવારે રાત્રિના સમયે તેના ઘરે ગળેફાંસો ખાઈ આત્મહત્યા કરી હતી. આ અંગે રમીઝભાઈ જીવરાણી દ્વારા જાણ કરાતા હેકો પી.કે. વાઘેલા તથા સ્ટાફે સ્થળ પર પહોંચી જઇ મૃતદેહનો કબ્જો સંભાળી પીએમ માટે મોકલી આગળની કાર્યવાહી હાથ ધરી હતી.
