કોંગ્રેસના નેતા જયરામ રમેશએ કૃષિ સુધારા પર યુ-ટર્નને લઈને કોંગ્રેસ અને પાર્ટીના પૂર્વ અધ્યક્ષ રાહુલ ગાંધીની ટીકાના જવાબમાં બદલો આપ્યો છે. નાણામંત્રી નિર્મલા સીતારામને બજેટ પર ચર્ચા દરમિયાન રાહુલ ગાંધી પર કોંગ્રેસનું વલણ બદલવા પર નિશાન સાધ્યું હતું.
પૂર્વ કેન્દ્રીય પ્રધાન જયરામ રમેશે રિપોર્ટના કેટલાક ભાગોનો સ્ક્રીનર્શોટ ટ્વિટ કરીને કહ્યું છે કે આપણે કાયદાકીય જોગવાઈઓ દ્વારા ખેડૂતોના હિતોનું રક્ષણ કરવું જોઈએ જેથી ખેડૂત અને ઉદ્યોગપતિ વચ્ચે કોઈ વ્યવહાર એમએસપી કરતા ઓછો ન થાય. ગુજરાતના મુખ્ય પ્રધાન નરેન્દ્ર મોદીએ ગ્રાહક બાબતોના 2011 ના અહેવાલમાં આ ભલામણ કરી હતી.
સીતારામને બજેટ પર ચર્ચા દરમિયાન સંસદમાં કહ્યું હતું કે, મારે એ જાણવું છે કે કોંગ્રેસે કૃષિ કાયદા પર યુ-ટર્ન કેમ લીધો, પરંતુ કોઈ પ્રતિક્રિયા આવી નથી. જ્યારે પહેલાના સમયમાં કોંગ્રેસે આ સુધારાને ટેકો આપ્યો હતો. સીતારામને કહ્યું કે કોંગ્રેસે જણાવવું જોઈએ કે રાજસ્થાન, મધ્યપ્રદેશ અને છત્તીસગઢ રાજયમાં તેની સરકારોએ ઢંઢેરામાં વચન આપ્યા હોવા છતાં ખેડૂતોનું દેવું માફ કર્યું હતું.
નાણામંત્રીએ કૃષિ કાયદાઓ અંગે રાહુલ ગાંધીની માહિતી પર પણ સવાલો ઉઠાવ્યા હતા. તેમણે કહ્યું કે આ નવા કૃષિ કાયદાથી ખેડૂતોને બજારમાં ઉચિત કિંમતે ઉત્પાદન વેચવાની સ્વતંત્રતા મળશે.
