કાલાવડમાંથી જૂગાર રમતા બે શખ્સો ઝબ્બે

કાલાવડના કપુરિયા કાંઠે તીનપતિનો જૂગાર રમતા બે શખ્સોને પોલીસે રૂા.6580 ની રોકડ અને ગંજીપના સાથે ઝડપી લીધા હતાં. રેઈડ દરમિયાન નાશી ગયેલ ચાર શખ્સોની સામે ગુનો નોંધી શોધખોળ હાથ ધરી હતી.

આ દરોડાની વધુ વિગત મુજબ, કાલાવડના કપુરિયા કાંઠે નદીના પટમાં જાહેરમાં જૂગાર રમાતો હોવાની મળેલી બાતમીના આધારે પોલીસે રેઈડ દરમિયાન બાબુ વેલજી સોલંકી, સુનિલ ધીરુ સોલંકી નામના બે શખ્સોને રૂા.6580 ની રોકડ તથા ગંજીપના સાથે દબોચી લઇ મનોજ ચના સોલંકી, જેન્તી ચના સોલંકી, ઉમેશ ધીરુ સોલંકી અને કિરીટ ધીરુ સોલંકી નામના ચાર શખ્સો નાશી જતાં તેમની સામે ગુનો નોંધી શોધખોળ હાથ ધરી હતી.