દ્વારકાધીશ મંદિર દિપોત્સવી ઉત્સવ દરમ્યાન દર્શનાર્થીઓ માટે ખુલ્લું રહેશે

વહીવટદાર દ્વારકાધીશ જગત મંદીર અને પ્રાંત અધિકારી દ્વારકાની એક અખબારી યાદીમાં જણાવ્યા અનુસાર દિપાવલી – નૂતન વર્ષ ઉત્સવ અન્વયે તા.2-11-2021 થી તા.6-11-2021 દરમિયાન દિપોત્સવી ઉત્સવ અંતર્ગત દ્વારકાધિશ મંદીર – દ્વારકા દર્શનાર્થીઓ માટે તા.2જી અને 3જી નવેમ્બર – 2021ને વાઘબાર તથા ધનતેરસ (રૂપચૌદશ ક્ષય તિથી)ના રોજ દર્શન માટે નિત્યક્રમ મુજબ ખુલ્લુ રહેશે.

આ ઉપરાંત તા.4-11-2021ને ગુરુવારના રોજ દિપાવલીના દિવસે દર્શાનાર્થીઓ માટે દ્વારકાધીશ જગત મંદીરના દર્શન માટે નિત્યક્રમ મુજબ (અનોસર (મંદીર બંધ) બપોરે 1-00 કલાકે, ઉત્થાપન દર્શન સાંજે 5-00 કલાકે, હાટડી દર્શન રાત્રે 8-00 કલાકે તેમજ અનોસર (મંદીર બંધ) રાત્રે 9-45 કલાકે) રહેશે. જ્યારે તા.5-11-2021ના રોજ શુક્રવારના દિવસે નૂતન વર્ષ અન્નકુટ ઉત્સવ દરમ્યાન સવારે 6-00 કલાકે મંગલા આરતી તથા અન્નકુટ દર્શન સાંજે 5-00 થી 7-00 કલાક સુધી અન્યથા મંદીર નિત્યક્રમ મુજબ ખુલ્લુ રહેશે. ભાઈબીજને તા.06-11-2021ના રોજ ભાઈબીજના દિવસે સવારે 7-00 કલાકે મંગલા આરતી બાદ મંદીર નિત્યક્રમ મુજબ દર્શન માટે ખુલ્લુ રહેશે તેમ વધુમાં જણાવાયું છે.

ઉલ્લેખનિય છે કે, દ્વારકાધીશ જગત મંદિર ખાતે દર્શને આવતા દર્શનાર્થીઓએ સરકારની કોવિડ – 19ની ગાઈડલાઈનનું ચૂસ્ત પણે પાલન કરવાનું રહેશે.