વારાણસીમાં, અવિમુક્તેશ્ર્વરાનંદને પોલીસ દ્વારા મઠમાં નજરકેદ કરવામાં આવ્યા હતા, જ્ઞાનવાપીમાં પૂજાની જાહે રાત કરવામાં આવી હતી. વારાણસી જ્ઞાનવાપી મસ્જિદ પરિસરમાં શિવલિંગની પૂજા કરવાની જાહેરાત વચ્ચે સ્વામી અવિમુક્તેશ્ર્વરાનંદના મઠની બહાર પોલીસ તૈનાત કરવામાં આવી છે. તેઓ બહાર ન આવે તે માટે આ વ્યવસ્થા કરવામાં આવી છે. આ મામલો હાલમાં વારાણસી કોર્ટમાં પેન્ડિંગ છે. શંકરાચાર્ય સ્વામી સ્વરૂપાનંદ સરસ્વતીના શિષ્ય અવિમુક્તેશ્ર્વરાનંદે ગુરુવારે જાહે રાત કરી હતી કે તેઓ 4 જૂને જ્ઞાનવાપી મસ્જિદમાં મળેલા શિવલિંગની પૂજા કરશે. તેમણે કહ્યું કે જો પ્રશાસન તેમને પૂજા કરતા રોકશે તો તેઓ શંકરાચાર્યને જાણ કરશે અને ત્યારબાદ શંકરાચાર્ય દ્વારા લેવામાં આવેલા નિર્ણયનો અમલ કરવામાં આવશે.વારાણસીના વિદ્યામઠ ખાતે સ્વામી અવિમુક્તેશ્ર્વરાનંદે કહ્યું કે ધર્મના મામલામાં ધર્માચાર્યનો નિર્ણય અંતિમ છે. તેમણે કહ્યું કે જેમ સુપ્રીમ કોર્ટ કાયદાનું અર્થઘટન કરે છે, તેમ કોઈપણ ધર્મને ધર્માચાર્ય દ્વારા સમજાવવામાં આવે છે. શંકરાચાર્ય સ્વામી સ્વરૂપાનંદ સરસ્વતીજી મહારાજના જણાવ્યા અનુસાર, જ્ઞાનવાપી સંકુલમાં માત્ર વિશ્ર્વનાથજી જ પ્રગટ થયા છે. તેમના આદેશ પર, અમે પૂજાની સમાન વસ્તુઓ એકત્રિત કરી રહ્યા છીએ, 4 જૂન, શનિવારે, અમે હિન્દુ સમાજ વતી તેમની પૂજા કરીશું. પ્રશાસન દ્વારા તેમને પૂજા કરતા રોકવાના પ્રશ્ર્ન પર અવિમુક્તેશ્ર્વરાનંદે કહ્યું કે અમે પ્રશાસનને સહકાર આપીએ છીએ.
