મીઠાપુરમાં પાર્કિંગમાંથી રાત્રિના સમયે ટ્રક હંકારી જતા તસ્કરો

મીઠાપુરના ગોડાઉન એરિયામાં આવેલા ટાટા કંપનીના ટ્રક પાર્કિંગના ખુલ્લા વાળામાં આરંભડાના રહીશ રાહુલ સત્યવીર શર્મા નામના 30 વર્ષીય ટ્રાન્સપોર્ટના ધંધાર્થી એવા યુવાને પોતાનો જીજે-10-ઝેડ-7734 નંબરનો ટ્રક પાર્કિંગ કરીને રાખ્યો હતો.

નવ લાખની કિંમતનો ઉપરોક્ત ટ્રક ગત તારીખ 14મીના રોજ રાત્રીના સમયે ત્રણ કલાકના સમયગાળામાં કોઇ તસ્કરો ચોરી કરીને લઇ જતા આ બનાવ અંગે રાહુલભાઈ શર્માની ફરિયાદ પરથી મીઠાપુર પોલીસે ગુનો નોંધી, ધોરણસર તપાસ હાથ ધરી છે.