જામનગર શહેરમાં કબીરનગર ન્યુ ડેન્ટલ હોસ્પિટલ પાસેથી એલસીબી પોલીસે છ શખ્સોને ઘોડીપાસાનો જૂગાર રમતા ઝડપી લઇ રૂા.20,000ની રોકડ રકમ સહિતનો મુદ્દામાલ કબ્જે કર્યો હતો.
જૂગાર દરોડાની વિગત મુજબ, જામનગર શહેરમાં નવાગામ ઘેડ કબીરનગરમાં નવી ડેન્ટલ હોસ્પિટલ પાસે જાહેરમાં ઘોડીપાસાનો જૂગાર રમાતો હોવાની એલસીબીના ક્રિપાલસિંહ જાડેજા, વનરાજભાઈ મકવાણાને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચના અને એલસીબીના પીઆઈ જે.વી. ચૌધરીના માર્ગદર્શન હેઠળ પીએસઆઇ આર.કે. કરમટા, એસ.પી. ગોહિલ, પી.એન. મોરી તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, દિલીપભાઈ તલવાડિયા, હરદીપભાઈ ઘાઘલ, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા સહિતના સ્ટાફ દ્વારા રેઈડ દરમિયાન કાસમ ઓસમાણ નોયડા, રજાક અલ્લારખા દરજાદા, ઈમરાનખાન કાસમખાન પઠાણ, સલીમખાન અજીતખાન પઠાણ, દિનેશ પોલા કરમુર તથા બનેસંગ ભીખભા જાડેજા નામના છ શખ્સોને રૂા.20 હજારની રોકડ રકમ સહિતના મુદ્દામાલ સાથે ઘોડીપાસાનો જૂગાર રમતા ઝડપી લીધા હતાં.
