જામનગર શહેરના દિ.પ્લોટ વિસ્તારમાં આવેલા રહેણાંક મકાનમાંથી એલસીબીની ટીમ રેઈડ દરમિયાન રૂા.72,000 ની કિંમતની 144 બોટલ દારૂના જથ્થા સાથે શખ્સની ધરપકડ કરી પૂછપરછ હાથ ધરતાં ત્રણ સપ્લાયરોના નામ ખૂલ્યા હતાં.
દરોડાની વિગત મુજબ, જામનગર શહેરના દિ.પ્લોટ 58 વિસ્તારમાં બાળકોના સ્મશાન પાસે રહેતા શખસના મકાનમાં દારૂનો જથ્થો હોવાની એલસીબીના અજયસિંહ ઝાલા અને યશપાલસિંહ જાડેજાને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચનાથી ઈન્ચાર્જ એસ.પી. ડી.પી.વાઘેલાના માર્ગદર્શન હેઠળ પીઆઈ જે.વી. ચૌધરી, પીએસઆઈ આર.એ.કરમટા, એસ.પી. ગોહિલ તથા સ્ટાફના એએસઆઈ માંડણભાઈ વસરા, સંજયસિંહ વાળા, હરપાલસિંહ સોઢા, ભરતભાઈ પટેલ તથા પોલીસ હેકો નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદિપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, ધર્મેન્દ્રસિંહ જાડેજા, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા તથા પોકો ફીરોજભાઈ ખફી, શિવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, રાકેશભાઈ ચૌહાણ, બળવંતસિંહ પરમાર, સુરેશભાઈ માલકિયા, દયારામ ત્રિવેદી ધર્મેન્દ્રસિંહ જાડેજા તથા ભારતીબેન ડાંગર સહિતના સ્ટાફે રેઈડ દરમિયાન આનંદ ઉર્ફે બાડો નાનજી ભદ્રાના મકાનમાં તલાસી લેતા રૂા.72,000 ની કિંમતની 144 નંગ ઈંગ્લીશ દારૂની બોટલો મળી આવી હતી.
જેના આધારે એલસીબીએ દારૂનો જથ્થો કબ્જે કરી આનંદની અટકાયત કરી પૂછપરછ હાથ ધરતા આ દારૂનો જથ્થો જીજ્ઞેશ ઉર્ફે જીગો રહીશ તથા દિપક ઉર્ફે અટાપટુ અને મહેન્દ્ર ઉર્ફે બુસીંગ નામના ત્રણ શખ્સો દ્વારા સપ્લાય કરાયો હોવાની કેફીયત આપતા પોલીસે ચાર શખ્સો વિરૂધ્ધ ગુનો નોંધી સપ્લાયરોની શોધખોળ માટે ચક્રો ગતિમાન કર્યા હતાં.
બીજો દરોડો, જામનગર શહેરના સુમેર કલબ રોડ પરથી પસાર થતી જીજે-10-ટીડબલ્યુ-4413 નંબરની ઓટો રીક્ષાને સિટી એ ડીવીઝન સ્ટાફે આંતરીને તલાસી લેતા તેમાંથી રૂા.4500 ની કિંમતની દારૂની 9 બોટલ મળી આવતા પોલીસે પ્રફુલ્લ શંભુલાલ ભદ્રા નામના શખ્સની ધરપકડ કરી 44,500 ની કિંમતનો રીક્ષા અને દારૂનો મુદ્દામાલ કબ્જે કર્યો હતો.
ત્રીજો દરોડો, જામનગર શહેરમાં દિ.પ્લોટ 50 વિસ્તારમાં રહેતાં સમીર નરેન્દ્ર કનખરા નામના પાનની રેંકડી ચલાવતા શખ્સના મકાનની તલાસી લેતા તેમાંથી રૂા.4000ની કિંમતની ઈંગ્લીશ દારૂની આઠ બોટલ મળી આવતા પોલીસે સમીરની ધરપકડ કરી કાર્યવાહી હાથ ધરી હતી.
