સિક્કામાં ગેરકાયદેસર ગન સાથે વૃદ્ધ ઝડપાયો

જામનગર તાલુકાના લાયસન્સ વાળી બાર બોરની સિંગલ બેરલ ગનનું લાયસન્સ છ વર્ષ અગાઉ પૂરુ થઈ ગયું હોવા છતાં ગેરકાયદેસર ગન સાથે સાપર ગામના શખ્સની સિક્કા પોલીસે ધરપકડ કરી આગળની કાર્યવાહી હાથ ધરી હતી.

આ અંગેની વિગત મુજબ, જામનગર તાલુકાના સાપર ગામમાં રહેતાં નારણ મોહન બોડા નામના વૃધ્ધ પાસે 1982 ની સાલથી બાર બોરની સિંગલ બેરલવાળી ગનનું લાયસન્સ હતું. પરંતુ આ લાયસન્સ 2016 ની સાલમાં પૂરુ થઈ ગયું હોવા છતાં લાયસન્સ વગરની ગેરકાયદેસર ગન રાખતા હતાં આ અંગેની જાણના આધારે સિકકા પોલીસે ગેરકાયદેસર ગન સાથે નારણ બોડા નામના વૃદ્ધને ઝડપી લઇ તેની વિરુધ્ધ ગુનો નોંધી આગળની કાર્યવાહી હાથ ધરી હતી.