જામનગર-ખંભાળિયા હાઈવે પર લાખાબાવળ નજીક આવેલા રિસોર્ટમાં અન્ય વ્યક્તિના નામે રૂમ બુક કરાવી તીનપતિનો જૂગાર રમાડાતો હોવાની બાતમીના આધારે એલસીબીની ટીમે રેઈડ દરમિયાન મહિલા સહિત નવ શખ્સોને રૂા.2,49,900 ની રોકડ રકમ, આઠ મોબાઇલ, બે કાર મળી કુલ રૂા.9,24,900 ના મુદ્દામાલ સાથે ઝડપી લઇ નાશી ગયેલા છ સહિતના 15 શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.
દરોડાની વિગત મુજબ જામાનગર-ખંભાળિયા હાઈવે પર લાખાબાવળના પાટીયા પાસે આવેલા રિસોર્ટમાં બીજા માણસના નામે રૂમ બુક કરાવી પોરબંદરનો રાજન નાગાજણ ઓડેદરા તીનપતિનો જૂગાર રમાડતો હોવાની હરદીપ ધાંધલ, શિવભદ્રસિંહ જાડેજા અને ફિરોજ ખફીને મળેલી બાતમીના આધોર પોલીસ અધિક્ષક પ્રેમસુખ ડેલુની સૂચનાથી પીઆઈ જે.વી. ચૌધરી, પીએસઆઈ એસ.પી.ગોહિલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, શરદભાઈ પરમાર, દિલીપભાઈ તલાવડિયા, ભગરથસિંહ સરવૈયા, હરદીપભાઈ ધાંધલ, અશોકભાઈ સોલંકી, વનરાજભાઇ મકવાણા, ધાનાભાઈ મોરી, યશપાલસિંહ જાડેજા, હિતેન્દ્રસિંહ જાડેજા, અજયસિંહ ઝાલા, શિવભદ્રસિંહ જાડેજા, નિર્મળસિંહ જાડેજા, રાકેશભાઈ ચૌહાણ, કિશોરભાઈ પરમાર, સુરેશભાઇ માલકિયા, દયારામ ત્રિવેદી, બિજલભાઈ બાલસરા, ધર્મેન્દ્રસિંહ જાડેજા સહિતના સ્ટાફે રેઈડ કરી હતી.
રેઈડ દરમિયાન એલસીબીની ટીમે રાજન નાગાજણ ઓડેદરા (પોરબંદર), દેવશી લાખાણશી ઓડેદરા (પોરબંદર), પોપટ ભીમા ઓડેદરા (પોરબંદર), દિલીપ હમીર મોઢવાડિયા (પોરબંદર), પ્રતિક રમેશ જોશી (જામજોધપુર), વિરેન્દ્ર રાણશી ધારાણી (જામજોધપુર), હરદાસ નાગાજણ ઓડેદરા (પોરબંદર), દિલીપ પ્રભાશંકર વ્યાસ (જામજોધપુર) અને એક મહિલા સહિત નવ શખ્સોને રૂા.2,49,900 ની રોકડ રકમ, રૂા.75 હજારની કિંમતના 8 નંગ મોબાઇલ તથા રૂા.4 લાખની અર્ટીગા અને બે લાખની ઈકો કાર મળી કુલ રૂા.9,24,900 ના મુદ્દામાલ સાથે ઝડપી લીધા હતાં તેમજ રેઈડ પૂર્વે નાશી ગયેલા પોરબંદરના ભાયા ઓડેદરા, અજય ખુટી, ભીમભાઈ ઓડેદરા, મુના ઉર્ફે ચીતો પરસાણિયા અને સચિન સીપરીયા સહિતના છ શખ્સો મળી કુલ 15 શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.
