જામનગર તાલુકાના ઢીંચડા ગામમાં એલસીબી પોલીસે રેઇડ દરમ્યાન છ શખ્સોને તીનપતીનો જુગાર રમતાં ઝડપી લઇ રૂપિયા 72,500ની રોકડ, મોબાઇલ ફોન મોટર સાયકલ સહિત કુલ રૂપિયા 1,52,500નો મુદામાલ કબજે કરી જુગાર ધારા હેઠળ ગુન્હો નોંધી કાયદેસરની કાર્યવાહી હાથ ધરી હતી.
જુગાર દરોડાની વિગત મુજબ, જામનગર તાલુકાના ઢીંચડા ગામમાં રાધા-કૃષ્ણ વિસ્તારમાં જાહેરમાં તીનપતીનો જુગાર રમાતો હોવાની એલસીબીના ધર્મેન્દ્રસિંહ જાડેજા અરજણભાઇ કોડિયાતર, મયુદિભાઇ સૈયદને મળેલ બાતમીને આધારે જિલ્લા પોલીસ વડા ડૉ. રવિ મોહન સૈની તથા ઇન્ચાર્જ પોલીસ અધિક્ષક પ્રતિભાની સૂચના અને એલસીબીના પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેડ દરમ્યાન શબ્બીદ જુમ્મા દોદેપૌત્રા, મહેશ બાબુ ચાવડા, નરેશ પ્રેમજી નારોલા, હિતેષ કિશોર સોલંકી, અસ્લમ અનવર બેગાણી, અલ્લારખા હુશેન દોદેપૌત્રા નામના 6 શખ્સોને ત્રીન પતીનો જુગાર રમતાં ઝડપી લઇ રૂપિયા 72,500ની રોકડ, રૂા. 30,000ની કિંમતના 6 નંગ મોબાઇલ ફોન તથા રૂા.50,000ની કિંમતનું મોટર સાયકલ સહિત કુલ રૂા. 1,52,500નો મુદામાલ કબજે કર્યો હતો.
