જામનગર શહેરના વિક્ટોરિયા પુલ પાસેથી પસાર થતી સ્વીફ્ટ કારને આંતરીને એલસીબીની ટીમએ તલાશી લેતાં કારમાંથી જુદી જુદી બ્રાન્ડની 180 બોટલ દારૂ અને ત્રણ મોબાઇલ ફોન તથા કાર મળી કુલ રૂા. 5,49,000ના મુદામાલ સાથે બે શખ્સોની ધરપકડ કરી છે.
દરોડાની મળેલી વિગત મુજબ જામનગર શહેરના વિક્ટોરિયા પુલ પાસેથી કારમાં દારૂનો જથ્થો પસાર થવાની યુવરાજસિંહ ઝાલા, કાસમભાઇ બલોચ અને હિતેન્દ્રસિંહ જાડેજાને મળેલી બાતમીના આધારે પોલીસવડા ડો. રવિ મોહન સૈનીની સૂચનાથી પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે વોચ ગોઠવી હતી.
દરમ્યાન બાતમી મુજબની જીજે10-ડીજી-6239 નંબરની સ્વિફ્ટ કાર પસાર થતાં એલસીબીની ટીમએ કારને આંતરીને તલાશી લેતાં તેમાંથી રૂા. 2,34,000ની કિંમતની જુદી જુદી બ્રાન્ડની 180 બોટલ ઇંગ્લીશ દારૂ મળી આવતાં એલસીબીની ટીમએ રૂા. 15 હજારની કિંમતના ત્રણ મોબાઇલ ફોન, રૂા. 3 લાખની સ્વિફટ કાર મળી કુલ રૂા. 5,49,000ના મુદામાલ સાથે કરણ ગોરધન રાજાણી (રહે. રામેશ્વરનગર, પટેલવાડી, જામનગર) તથા કરણ ઉર્ફે ડિસમિસ નારાયણ ચેલારામાણી (રહે. ગુલાબનગર, સંજરી ચોક, જામનગર) નામના બન્ને શખ્સોને ઝડપી લઇ પૂછપરછ હાથ ધરી હતી. આ પૂછપરછ દરમ્યાન દારૂનો જથ્થો મેસી ઉર્ફે રાજ્યો સિંધી કનૈયાલાલ પંજવાણીના કહેવાથી જોડિયા તાલુકાના દુધઇ ગામના લાલો ઉર્ફે બાપુ ડાંગર પાસેથી લઇ આવ્યા હોવાની કેફિયતના આધારે એલસીબીએ આગળની કાર્યવાહી હાથ ધરી હતી.
