જામનગર શહેરમાં ગુલાબનગર ગુલાબનગર પાસે જાહેરમાં તીનપતિનો જૂગાર રમતા ચાર શખ્સોને એલસીબીની ટીમે 18,000 ની રોકડ રકમ, બાઇક અને મોબાઇલ મળી કુલ રૂા.73,000 ના મુદ્દામાલ સાથે ઝડપી લીધા હતાં.
દરોડાની વિગત મુજબ, જામનગર શહેરમાં ગુલાબનગર નજીક અખાડા ચો પાસે જાહેરમાં તીનપતિનો જૂગાર રમતા હોવાની ભરતભાઈ ડાંગર અને ધર્મેન્દ્રસિંહ જાડેજાને મળેલી બાતમીના આધારે પીઆઈ વી.એમ. લગારીયા, પીએસઆઇ પી.એન. મોરી, એ.કે. પટેલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ ાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઇડ કરી હતી.
દરમિયાન એલસીબીની ટીમે જૂગાર રમતા હરેશ બચુ ખાણધર, મનસુખ રામજી પરેશા, જગદીશ લાલચંદ ભોજવાણી, યુનુસ આમદ આંબરોણીયા નામના ચાર શખ્સોને રૂા.18,000 ની રોકડ રકમ, રૂા.15000 નીકિંમતના ત્રણ મોબાઇલો, તથા રૂા.40,000 ની કિંમતનું બાઈક મળી કુલ રૂા.73000 નો મુદ્દામાલ કબ્જે કરી ગુનો નોંધી આગળની કાર્યવાહી હાથ ધરી હતી.
