ભારતીય મોબાઇલ કોંગ્રેસની પાંચમી આવૃત્તિનું લોન્ચીંગ કરવામાં આવ્યું હતું. આ તકે રિલાયન્સના સીએમડી મુકેશ અંબાણીએ સંબોધન કર્યુ હતું. તેમણે તેમના સંબોધન દરમિયાન જણાવ્યું હતું કે, ભારતીય મોબાઈલ કોંગ્રેસની પાંચમી આવૃત્તિનું આયોજન કરવા બદલ હું DoT અને COAIને અભિનંદન આપવા માંગુ છું.
ખૂબ જ ટૂંકા સમયમાં, ઈન્ડિયન મોબાઈલ કોંગ્રેસ ઉદ્યોગના તમામ હિતધારકો વચ્ચે પ્રભાવ-નિર્માણ ક્રિયા-પ્રતિક્રિયા માટે એક પ્રતિષ્ઠિત પ્લેટફોર્મ તરીકે ઉભરી આવ્યું છે. વડા પ્રધાન નરેન્દ્ર મોદી દ્વારા પ્રદાન કરવામાં આવેલા દૂરંદેશી નેતૃત્વને કારણે છે. વડાપ્રધાનના વિઝન અને મિશનને કારણે, ભારતમાં 2014 થી મોબાઈલ અને ડિજિટલ લેન્ડસ્કેપમાં અદભૂત પરિવર્તન જોવા મળ્યું છે. મંત્રી અને મિત્રો, આ પરિષદ ભારતની કોવિડ પછીની રીકવરીના નિર્ણાયક તબક્કે થઈ રહી છે.
એક તરફ, ભારત તેના કોવિડ-19 રસીકરણ અભિયાનમાં અસાધારણ પ્રગતિ કરી રહ્યું છે. અને બીજી તરફ, તે અર્થ વ્યવસ્થાને ઉચ્ચતમ વૃદ્ધિના પાટા પર પાછા લાવવાના પ્રયાસોને વેગ આપી રહ્યું છે.
આ બે વિશાળ કાર્યોની સફળતામાં અમારા ઉદ્યોગનો ફાળો મહત્ત્વનો રહ્યો છે. મને પૂરો વિશ્ર્વાસ છે કે ભારત કોવિડની કોઈપણ ભાવિ લહેરને કાબૂમાં રાખવામાં સફળ થશે એટલું જ નહીં, પરંતુ એક ઝડપી આર્થિક પુનરાગમન પણ કરશે, જે વિશ્વને આશ્ર્ચર્યચકિત કરશે. મારી ખાતરી એક સારા કારણ પર આધારિત છે. ભારતે છેલ્લા કેટલાક વર્ષોમાં ટેક્નોલોજી સાથેના તેના સંબંધોને મૂળભૂત રીતે પુન:વ્યાખ્યાયિત કર્યા છે – ખાસ કરીને રોગચાળો ફાટી નીકળ્યા પછી.
ભારતીયોએ અમર્યાદિત આશાવાદ સાથે ટેકનોલોજીનો સ્વીકાર કર્યો છે. કોવિડ દરમિયાન, જ્યારે ચિપ્સની અછત હતી, તે ચિપસેટ્સ છે જેણે અમને અવિરત ગતિ કરતા રાખ્યા. જ્યારે કોવિડ-પ્રેરિત લોકડાઉને આપણી નાવને હચમચાવી નાખી, ત્યારે તે ટેક્નોલોજી જ છે જેણે આપણું જીવન અને આજીવિકા ચાલુ રાખી. ઘરેથી કામ કરો, ઘરેથી અભ્યાસ કરો, ઘરેથી ચૂકવણી કરો, ઘરેથી ખરીદી કરો. આ બધું આપણા ઉદ્યોગ જગત દ્વારા બનાવેલ વિશ્ર્વ-સ્તરીય ડિજિટલ ટેકનોલોજી ઇન્ફ્રાસ્ટ્રક્ચરને કારણે સામાન્ય બન્યું છે. મિત્રો, આ કોન્ફરન્સની થીમ ‘આગામી દાયકા માટે કનેક્ટિવિટી’ છે. હું આ થીમ સાથે સંબંધિત પાંચ વિચારો તમારા બધા સમક્ષ મૂકવા માંગુ છું.
ભારતે વહેલામાં વહેલી તકે 2-જી થી 4-જી થી 5-જી માં સ્થળાંતર પૂર્ણ કરવું જોઈએ. લાખો ભારતીયોને સામાજિક-આર્થિક પિરામિડના તળિયે 2-જી સુધી સીમિત રાખવાનો અર્થ તેમને ડિજિટલ ક્રાંતિના લાભોથી વંચિત રાખવાનો છે. મારો બીજો વિચાર છે. 5-જી રોલ-આઉટ ભારતની રાષ્ટ્રીય પ્રાથમિકતા હોવી જોઈએ.
ઉંશજ્ઞ માં, અમે હાલમાં 4-જી અને 5-જી એક્ઝિક્યુશન અને બ્રોડબેન્ડ ઈન્ફ્રાસ્ટ્રક્ચર વિસ્તરણ પર ધ્યાન કેન્દ્રિત કર્યું છે. અમે 100% સ્વદેશી અને સર્વસમાવેશી 5 જી સોલ્યુશન વિકસાવ્યું છે, જે સંપૂર્ણપણે ક્લાઉડ નેટિવ અને ડિજિટલી સંચાલિત છે. અમારા ક્ધવર્જ્ડ, ફ્યુચર-પ્રૂફ આર્કિટેક્ચરને કારણે, જીઓનું નેટવર્ક ઝડપથી અને એકીકૃત રીતે 4 જી થી 5 જી માં અપગ્રેડ કરી શકાય છે. ભારતમાં મોબાઈલના ગ્રાહકોમાં અસાધારણ રીતે ઝડપી વિસ્તરણ માટે વાજબી કિંમત એક નિર્ણાયક ચાલક પરિબળ રહ્યું છે, તે વાત આપણે નજરઅંદાજ કરવી જોઇએ નહીં.
ભારતે વધુ ડિજિટલ સમાવેશ તરફ આગળ વધવું જોઈએ, અને વધુ ડિજિટલ બાકાત નહીં. જ્યારે આપણે પોલિસીના સંદર્ભમાં વાજબી કિંમત વિશે વાત કરીએ છીએ, ત્યારે અમે ફક્ત સેવાઓની પરવડે તેવી કિમત વિશે વિચારીએ છીએ. વાસ્તવમાં, ભારતે માત્ર સેવાઓ જ નહીં, પરંતુ ઉપકરણો અને એપ્લિકેશનની પણ પરવડે તેવી કિંમત સુનિશ્ર્ચિત કરવાની જરૂર છે.
સર્વસમવેશી વાજબી કિંમત સુનિશ્ર્ચિત કરવાનો શ્રેષ્ઠ માર્ગ એ છે કે સેવાઓ સિવાયના અન્ય હેતુઓ માટે યુએસઓ ફંડનો ઉપયોગ કરવા જેવા ભવિષ્યલક્ષી ટેક્નોલોજી અને સહાયક નીતિ સાધનોનો ત્વરીત સ્વિકાર. યુએસઓ ફંડનો ઉપયોગ પસંદગીના લક્ષ્ય જૂથોને સબસિડીવાળા ઉપકરણો આપવા માટે કરી શકાય છે.
સર્વવ્યાપક ફાઇબર કનેક્ટિવિટી સમગ્ર ભારતમાં મિશન મોડ પર પૂર્ણ થવી જોઈએ. આ એટલા માટે છે કારણ કે વિશ્વ હવે ડિજિટલ ફર્સ્ટ યુગમાં સંક્રમણ કરી રહ્યું છે, જ્યારે લગભગ બધું જ પહેલા ડિજિટલ સ્પેસમાં કરવામાં આવશે અને પછી ભૌતિક વિશ્વમાં અનુવાદિત થશે. આર્થિક પ્રવૃતિઓ અને સામાજીક આદાન-પ્રદાનના પરિમાણોમાં નાટકીય બદલાવ આવશે. વર્ચ્યુઅલ વાસ્તવિક અથવા ભૌતિક જેટલું જ મહત્વપૂર્ણ બનશે. સંપત્તિનું સર્જન માત્ર વેગવંતુ જ નહીં, પણ સર્વસમાવેશક પણ બનશે. ખરેખર, ફર્સ્ટ સ્ટ્રેટેજી ની સાથે-સાથે આપણી વસ્તી વિષયક તાકાતના ઉપયોગથી ભારત મોટાભાગના અન્ય દેશોને પાછળ છોડી દેવા માટે સક્ષમ બનશે. આ માટે આપણી કલ્પનાથી પરે ડેટા કેરેજમાં વધારો જરૂરી બનશે. ફાઈબર લગભગ અમર્યાદિત ડેટા કેરેજ ક્ષમતા ધરાવે છે. તેથી, ભવિષ્ય માટે તૈયાર રહેવા માટે, ભારતે ફાઈબર-તૈયાર હોવું જોઈએ.
આ કોવિડ સમયમાં પણ,જીઓ 5 મિલિયન ઘરોમાં ફાઈબર ટુ હોમને લોન્ચ કરવામાં સક્ષમ હતું. જો ઉદ્યોગના તમામ ખેલાડીઓ સાથે મળીને કામ કરે, તો આપણે ઝડપથી સમગ્ર દેશમાં ફાયબરની હાજરી પ્રસ્થાપિત કરી શકીશું, જેમ આપણે છેલ્લા એક દાયકામાં દેશના ખૂણે-ખૂણે મોબાઈલ ટેલિફોની સાથે પહોંચ્યા હતા. કનેક્ટિવિટી ઉપરાંત, આપણે ડિજિટલ ઇકો-સિસ્ટમના નિર્ણાયક ઘટકો પર ધ્યાન કેન્દ્રિત કરવું જોઈએ જે ભારતના ડિજિટલ પરિવર્તન માટે જરૂરી છે.
સરકાર આ માટે યોગ્ય નિયમનકારી અને નીતિ માળખું બનાવી રહી છે. આનાથી હજારો યુવા ભારતીય સાહસિકો અને સ્ટાર્ટ-અપ્સને પ્લેટફોર્મ, એપ્લિકેશન અને ઉકેલો બનાવવામાં મદદ મળી છે, જે ભારતના ડિજિટલ પરિવર્તનને વેગ આપી શકે છે.
અમે પહેલેથી જ શિક્ષણ, નાણાકીય સેવાઓ, મનોરંજન, રીટેલ, કૃષિ, ઉત્પાદન અને અર્થતંત્રના અન્ય મુખ્ય ક્ષેત્રોમાં ઇન્નોવેટીવ સોલ્યુશન્સ આવશે તેમ જોઈ રહ્યા છીએ. આપણા વડા પ્રધાનના વિઝનરી નેતૃત્વ હેઠળ નેશનલ ડિજિટલ હેલ્થ મિશન ભારતમાં આરોગ્ય સંભાળના લેન્ડસ્કેપને બદલવા માટે તૈયાર છે. આમૂલ પરિવર્તન માટેનું બીજું ક્ષેત્ર છે ભારતની ઊર્જા સિસ્ટમ. સ્માર્ટ ગ્રીડ દ્વારા ઉર્જા બચાવવા, અર્થવ્યવસ્થાના ડીકાર્બોનાઇઝેશન અને સ્વચ્છ અને ગ્રીન એનર્જીમાં ભારતના સંક્રમણના ખર્ચમાં ભારે ઘટાડા માટે ટેક્નોલોજીઓ પરિપક્વ થઈ રહી છે. આ બધુ બતાવે છે કે કેર ફોર ધ પીપલ અને કેર ફોર ધ પ્લેનેટ આપણા ઉદ્યોગે જે વિશાળ પરિવર્તનમાં જ સમાવિષ્ટ છે. પ્રતિષ્ઠિત મિત્રો, આપણો ઉદ્યોગ એ કાયદેસર રીતે ગર્વ લઈ શકે છે કે અમે ભારતમાં મોબાઈલ અને ડિજિટલ ક્રાંતિનું લોકશાહીકરણ કર્યું છે. હવે અમે ડિજિટલી સક્ષમ વિકાસનું લોકશાહીકરણ કરવા માટે તૈયાર છીએ, જેથી તેના ફળ તમામ 1.35 અબજ ભારતીયો માણી શકે. અમે વિશ્ર્વના અદ્યતન દેશો સાથે સરખાવી શકાય તેવા જીવન જીવવાની સરળતા અને વ્યવસાય કરવાની સરળતા સાથે ભારતને પ્રીમિયર ડિજિટલ સોસાયટી તરીકે પરિવર્તિત કરવા માટે સંકલ્પબદ્ધ છીએ.
