જામનગરમાં બાબાસાહેબ આંબેડકરની 133મી જન્મ જયંતિ ઉજવણીની તડામાર તૈયારીઓ – VIDEO

આવતીકાલે ભારત રત્ન ડો. બી.આર. આંબેડકરની જન્મ જયંતિ પ્રસંગે ઠેર-ઠેર ઉજવણી કરવામાં આવતી હોય, જામનગર ખાતે પણ બાબાસાહેબની 133મી જન્મ જયંતિની ઉજવણી અંતર્ગત તડામાર તૈયારીઓ ચાલી રહી છે.

આવતીકાલે ડો. ભિમરાવ આંબેડકરની 133મી જન્મ જયંતિ નિમિત્તે શહેરના રાજમાર્ગો પર ભવ્ય રેલીનું આયોજન કરવામાં આવ્યું છે. જામનગરમાં સમસ્ત દલિત સમાજ-જામનગર જિલ્લા અનુસૂચિત જાતિ સમાજની ટીમ દ્વારા આ પ્રસંગે તૈયારીને આખરી ઓપ આપી રહ્યાં છે. જામનગરમાં લાલબંગલા સર્કલ ખાતે આવેલી ડો. બાબાસાહેબ આંબેડકરની પ્રતિમાને પુષ્પાંજલિ અર્પણ કરવામાં આવશે. જ્યારે યુવાઓ ડીજેના તાલે ઝુમીને આ મહોત્સવને ઉજવશે ત્યારે તે અંગેની પૂર્વતૈયારીઓ ચાલી રહી છે.