જામનગરના લાલવાડી વિસ્તારના નાગમતિ ભવન આવાસ યોજનાના ફલેટ ધારકો દ્વારા મેઇટેનન્સ સહિતના પ્રશ્ર્નોને લઇ જામનગર મહાનગરપાલિકાના મેયરને આવેદનપત્ર પાઠવી રજૂઆત કરવામાં આવી હતી.
જામનગરના નાગમતિ ભવન લાલવાડી આવાસ યોજનામાં સી-વિંગમાં રહેતા 96 જેટલા ફલેટધારકો દ્વારા મેયરને પાઠવેલા આવેદનપત્રમાં જણાવ્યું છે કે, તેમના સી-વિંગમાં 96 પ્લેટ પૈકી 5થી6 ફલેટમાં કેટલાંક સમયથી ભાડુઆતો રહે છે. જે જુનુ મેઇટેનન્સ આપતા નથી. નિયમ અનુસાર સાત વર્ષ સુધી પ્લેટ ભાડે આપી શકાય નહીં. આથી આ અંગે તપાસ કરી આવા ફલેટો રદ્ કરવા માગણી કરાઇ છે. આ ઉપરાંત 20 જેટલા ફલેટો બંધ છે. તેના માલિક દ્વારા પણ મેઇટેનન્સ આપવામાં આવતું ન હતું. તેમજ તેઓ રહેવા પણ આવતાં ન હોય અને વિંગમાં કોઇ કોમન ખર્ચ થાય તેમાં પણ સહકાર આપતા નથી.
આ ઉપરાંત સોસાયટીમાં કોઇપણ જાતનું ઓડિટ કરવામાં આવ્યું નથી અને આવાસના પ્રમુખો અને કમિટી દ્વારા કોઇપણ જાતની પબ્લિક મિટિંગ પણ કરવામાં આવતી નથી. આ ઉપરાંત આ આવાસ યોજનામાં સી-વિંગનું કોમન લાઇટ બીલ રૂા. 1,08,000 ચડત થઇ ગયું છે. આથી આ તમામ સમસ્યાઓ અંગે નિરાકરણ લાવવા માગણી કરવામાં આવી છે.
