કચ્છમાં ભૂકંપના આંચકાનો સિલસિલો યથાવત રહ્યો છે. આજે પણ કચ્છની ધરા ભૂકંપના ત્રણ આંચકાથી ધ્રુજી ઉઠી હતી. કચ્છના દુધઈ,ભચાઉ અને ખાવડામાં રાત્રીથી સવાર સુધીમાં ભૂકંપના આંચકા અનુભવાયા હતા.
દૂધઈમાં રાત્રે 12:12 મીનીટે 3.0ની તીવ્રતાનો આંચકો અનુભવાયો હતો જયારે ભચાઉમાં સવારે 5:59 મિનીટે 1.1.ની તીવ્રતાનો આંચકો અનુભવાયો હતો.જયારે ખાવડામાં સવારે 9:37 કલાકે 3.3ની તીવ્રતાનો ભૂકંપનો આંચકો અનુભવાયો હતો. દુધઈમાં આવેલા આંચકાનું કેન્દ્રબિંદુ દુધઈથી 8કિમી દુર જયારે ભાચાઉ અને ખાવડામાં આવેલ આંચકાનું કેન્દ્રબિંદુ 20 કિમી દુર હતું. આ અગાઉ પણ ૧૧ જાન્યુઆરીના રોજ કચ્છમાં દુધઈ નજીક ભૂકંપનો આંચકો અનુભવાયો હતો. કચ્છમાં છેલ્લા ઘણા સમયથી ભૂકંપના આંચકા સતત અનુભવાઈ રહ્યા છે. આ દિવસોમાં ગુજરાતમાં ભૂકંપના કૂલ ૩૫ આંચકા નોંધાયા છે જેમાં ૪ તો રિક્ટર સ્કેલ પર ૩.૦થી વધુ તીવ્રતાના છે અને ચારેય કચ્છ પંથકમાં નોંધાયા હતા.
