જામનગર તાલુકાના હાપા ખારી વિસ્તારમાં જાહેરમાં તીનપતિનો જૂગાર રમતા ચાર શખ્સોને પોલીસે રેઈડ દરમિયાન રૂા.11700 ની રોકડ રકમ અને ગંજીપના સાથે ઝડપી લીધા હતાં.
જૂગાર દરોડાની વિગત મુજબ, જામનગર તાલુકાના હાપા ખારી વિસ્તારમાં જાહેરમાં તીનપતિનો જૂગાર રમતા રાજેશ ઉર્ફે કાજુ પથુભાઈ ડાભી, વસંત કિશોરભાઈ રણોલિયા, ગીરીરાજસિંહ જગતસિંહ ઝાલા, રવિ ઉર્ફે ફુલુ સંતોષ ઠાકુર નામના ચાર શખ્સોને રૂા.11700 ની રોકડ રકમ અને ગંજીપના સાથે ઝડપી લઇ નાશી ગયેલા નવઘણ બેચર, નારણ ઉર્ફે ડોગલ ખોડાભાઈ, સામજી દેવાભાઈ નામના ત્રણ શખ્સોની શોધખોળ આરંભી કુલ સાત શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.


