આરાધના ધામ નજીક અજાણ્યા કાર ચાલકે હડફેટે લેતા વૃદ્ધ ઇજાગ્રસ્ત

ખંભાળિયા તાલુકાના ભરાણા ગામે રહેતા આમદભાઈ ચામડિયા નામના મુસ્લિમ વાઘેર વૃદ્ધ ગત તારીખ 2 ના રોજ ખંભાળિયા જામનગર હાઈવે પર આરાધના ધામ નજીકથી ચાલીને જઈ રહ્યા હતા, ત્યારે આ માર્ગ પરથી પૂરઝડપે અને બેફિકરાઈપૂર્વક આવી રહેલા એક અજાણ્યા મોટરકારના ચાલકે આમદભાઈને અડફેટે લેતા તેમને શરીરના જુદા જુદા ભાગોમાં નાની-મોટી ઇજાઓ સાથે હોસ્પિટલમાં દાખલ કરવામાં આવ્યા હતા. અકસ્માત સર્જી, આરોપી કારચાલક નાસી છૂટ્યો હોવાનું જાહેર થયું છે. આ બનાવ અંગે આમદભાઈના ધર્મ પત્ની જુબેદાબેન (ઉ.વ. 65) ની ફરિયાદ પરથી વાડીનાર મરીન પોલીસે અજાણ્યા કારચાલક સામે જુદી જુદી કલમ હેઠળ ગુનો નોંધી, આગળની તપાસ હાથ ધરી છે.