લ્યો બોલો…! તસ્કરો કોયલ પણ ચોરી કરી ગયા….

ધ્રોલ તાલુકાના વાંકિયા ગામમાં આવેલા પીજીવીસીએલના થાંભલા પરના ટ્રાન્સફોર્મરમાંથી બ્રાસની ચાર કોયલ અને કોર તસ્કરો ચોરી કરી ગયાની ફરિયાદના આધારે પોલીસે તપાસ આરંભી હતી.

આ અંગેની વિગત મુજબ, ધ્રોલ તાલુકાના વાંકિયા ગામમાં આવેલા પીજીવીસીએલના થાંભલા પર લગાડેલા ટ્રાન્સફોર્મરમાંથી બ્રાસના ચાર સ્ટડ કોપરની કોયલ અને કોર સહિત રૂા.18,000 ની કિંમતનો સામાન તસ્કરો ચોરી કરી ગયા હતાં. આ અંગેની જાણ થતા પીજીવીસીએલના નાયબ ઈજનેર વિરલ પંચાલ દ્વારા અજાણ્યા તસ્કરો વિરૂધ્ધ ફરિયાદ નોંધાવતા હેકો કે.ડી.કામરિયા તથા સ્ટાફે ચોરીનો ગુનો નોંધી તસ્કરોનું પગેરુ મેળવવા ચક્રો ગતિમાન કર્યા હતાં.