બરડીયાના વૃદ્ધને ધમકી આપતા બે શખ્સો સામે ફરિયાદ

દ્વારકા તાલુકાના બરડીયા ગામે રહેતા ધનાભાઈ હમીરભાઈ નાંગેશ નામના 66 વર્ષના અનુસૂચિત જાતિના વૃદ્ધ ગૌશાળાનું કામ કરતા હતા. આ કામ ચાલુ કરતા પહેલાં આરોપી મનોજ બબાભા સુમણીયા અને બબાભા પુંજાભા સુમણીયા નામના બે શખ્સોએ આ કામ ચાલુ કરવા પહેલા તેઓની પરવાનગી લીધેલી ન હોવાનું જણાવીને ફરિયાદી ધનાભાઈ નાંગેશને બંને શખ્સોએ બિભત્સ ગાળો કાઢી, જાનથી મારી નાખવાની ધમકી આપીને જ્ઞાતિ પ્રત્યે અપમાનિત કરવા સબબની ફરિયાદ દ્વારકા પોલીસ મથકમાં નોંધાવવામાં આવી છે. આ સમગ્ર બનાવ અંગે પોલીસે આઈ.પી.સી. કલમ 504, 506 (2) તથા એટ્રોસિટી એક્ટ મુજબ ગુનો નોંધી, આગળની તપાસ સમીર સારડા દ્વારા હાથ ધરવામાં આવી છે.