જામનગરમાં કોમી એકતાના દર્શન – VIDEO

જામનગરમાં ગઈકાલે મુસ્લિમ સમાજ દ્વારા ઈદની ઉજવણી કરવામાં આવી હતી. જે નિમિત્તે જામનગર શહેરમાં વિવિધ વિસ્તારોમાં પરંપરાગત રૂટ ઉપર ઈદનું ઝુલુસ યોજાયું હતું. જેમાં મુસ્લિમ બિરાદરો મોટી સંખ્યામાં જોડાયા હતાં. આ ઝુલુસ ચાંદીબજાર ખાતે પહોંચતા કોમી એકતાના દર્શન જોવા મળ્યા હતાં. ચાંદીબજાર ખાતે ગણેશ મરાઠા મંડળ દ્વારા આયોજીત ગણેશ ઉત્સવ ખાતે આ ઈદના ઝૂલુસનું સ્વાગત કરાયું હતું અને મુસ્લિમ અગ્રણીઓનું સન્માન કરવામાં આવ્યું હતું અને હિન્દુ મુસ્લિમ કોમી એકતાનું ઉત્તમ ઉદાહરણ જોવા મળ્યું હતું. આ ઝૂલુસ દરમિયાન જામનગર જિલ્લા પોલીસવડા પ્રેમસુખ ડેલુના માર્ગદર્શન હેઠળ જામનગર પોલીસ સ્ટાફ દ્વારા ચુસ્ત પોલીસ બંદોબસ્ત ગોઠવવામાં આવ્યો હતો. ડીવાયએસપી જયવીરસિંહ ઝાલા, સિટી એ પીઆઈ નિકુંજસિંહ ચાવડા સહિતનો સ્ટાફ પોલીસ બંદોબસ્તમાં જોડાયો હતો.