આઇસીસી ચેમ્પિયન્સ ટ્રોફી 2025 ની પ્રથમ મેચ પાકિસ્તાન અને ન્યૂઝીલેન્ડ વચ્ચે કરાચીના નેશનલ સ્ટેડિયમમાં રમાઈ હતી. આ મેચમાં યજમાન પાકિસ્તાનને ન્યૂઝીલેન્ડ સામે 60 રનથી હારનો સામનો કરવો પડ્યો હતો.
ન્યૂઝીલેન્ડની મજબૂત બેટિંગ
ન્યૂઝીલેન્ડે પ્રથમ બેટિંગ કરતા 50 ઓવરમાં 5 વિકેટે 320 રન બનાવ્યા હતા. ટીમ માટે વિલ યંગ (107) અને ટોમ લાથમ (118*) એ શાનદાર સેન્ચુરી ફટકારી હતી. ગ્લેન ફિલિપ્સે પણ 39 બોલમાં 61 રન બનાવ્યા હતા, જેનાથી ન્યૂઝીલેન્ડએ પાકિસ્તાન સામે મજબૂત લક્ષ્યાંક ઉભો કર્યો. પાકિસ્તાન તરફથી નસીમ શાહ અને હારિસ રઉફે 2 વિકેટ ઝડપી, જ્યારે અબરાર અહેમદે 1 વિકેટ લીધી હતી.
Clinical New Zealand down Pakistan in #ChampionsTrophy 2025 opener
#PAKvNZ
: https://t.co/E5MS83KLLA pic.twitter.com/JpcqY5664Q
— ICC (@ICC) February 19, 2025
પાકિસ્તાનની ધીમી બેટિંગ અને નિષ્ફળતા
321 રનના ટાર્ગેટને ચેઝ કરતી પાકિસ્તાની ટીમ ધીમી શરૂઆત બાદ 47.2 ઓવરમાં 260 રન પર ઓલઆઉટ થઈ ગઈ. પ્રથમ 10 ઓવરમાં માત્ર 22 રન બન્યા હતા, જેમાં સાઉદ શકીલ (6) અને મોહમ્મદ રિઝવાન (3) રને પેવેલિયન પરત ફર્યા.
બાબર આઝમે 90 બોલમાં 64 રન બનાવ્યા, જ્યારે ખુશદિલ શાહે 49 બોલમાં 69 રન કરીને અંત સુધી લડત આપી. સલમાન અલી આગાએ પણ 28 બોલમાં 42 રન બનાવ્યા, પણ ટીમને જીત અપાવી ન શક્યા. ફખર ઝમાને ઈજાની અસર છતાં 24 રન બનાવ્યા હતા.
ન્યૂઝીલેન્ડના બોલરોનો શાનદાર દેખાવ
ન્યૂઝીલેન્ડ તરફથી વિલિયમ ઓ’રોર્કે અને મિચેલ સેન્ટનરે 3-3 વિકેટ ઝડપી, જ્યારે મેટ હેનરીએ 2 વિકેટ લીધી હતી. ન્યૂઝીલેન્ડના બોલિંગ હુમલાએ પાકિસ્તાનની બેટિંગ લાઈનઅપને સંપૂર્ણ રીતે વણસાવી નાખી.
બન્ને ટીમની પ્લેઇંગ 11
પાકિસ્તાન: મોહમ્મદ રિઝવાન (કેપ્ટન અને વિકેટકીપર), ફખર ઝમાન, બાબર આઝમ, સાઉદ શકીલ, સલમાન આગા, તૈયબ તાહિર, ખુશદિલ શાહ, શાહીન આફ્રિદી, નસીમ શાહ, હારિસ રઉફ અને અબરાર અહેમદ.
ન્યૂઝીલેન્ડ: મિચેલ સેન્ટનર (કેપ્ટન), ડેવોન કોનવે, વિલ યંગ, કેન વિલિયમસન, ડેરિલ મિચેલ, ટોમ લાથમ (વિકેટકીપર), ગ્લેન ફિલિપ્સ, માઈકલ બ્રેસવેલ, નાથન સ્મિથ, મેટ હેનરી અને વિલિયમ ઓ’રોર્કે.
આ હાર પછી પાકિસ્તાન માટે આગામી મેચોમાં કમબેક કરવાની તકો ઓછી થઈ ગઈ છે. બીજી તરફ, ન્યૂઝીલેન્ડએ મજબૂત શરૂઆત કરીને ટુર્નામેન્ટમાં પોતાનું દબદબું બતાવ્યું છે.
