ફલ્લા નજીકના કંકાવટી ડેમમાંથી યુવાનનો મૃતદેહ સાંપડયો

જામનગર તાલુકાના ફલ્લા નજીક આવેલા કંકાવટી ડેમમાંથી આજે સવારે યુવાનનો મૃતદેહ મળી આવતા ફાયર ટીમે મૃતદેહ બહાર કાઢી પોલીસને સોંપી આપ્યો હતો.

આ અંગેની વિગત મુજબ, જામનગર તાલુકાના ફલ્લા ગામ નજીક આવેલા કંકાવટી ડેમમાં આજે સવારે કોઇ યુવાનનો મૃતદેહ હોવાની જાણના આધારે ફાયર ટીમે તાત્કાલિક ઘટનાસ્થળે પહોંચી જઇ મૃતદેહ બહાર કાઢી ઓળખ મેળવતા દેવેન્દ્રસિંહ દિલુભા વાઘેલા નામના યુવાનનો મૃતદેહ હોવાની ઓળખ થતા ફાયર ટીમે પોલીસને મૃતદેહ સોંપી આપ્યો હતો. ત્યારબાદ પોલીસે મૃતદેહનો કબ્જો સંભાળી મૃતકના પરિવારજનોને જાણ કરી આગળની કાર્યવાહી હાથ ધરી હતી.