આકાંક્ષા અરોરાને યુનોનાં સેક્રેટરી જનરલ બનવાના કોડ

યુનાઇટેડ નેશન્સના સેક્રેટરી જનરલ તરીકે કાર્યરત એન્ટોનિઓ ગુટરેસના હોદાની મુદત 31 ડિસેમ્બરના રોજ પુરી થાય છે.તેઓ બીજી ટર્મમાં પણ ઉમેદવારી નોંધાવવાના છે. આ સંજોગોમાં ભારતીય મૂળની મહિલા 34 વર્ષીય આકાંક્ષા અરોરાએ આ પદ માટે ઉમેદવારી નોંધાવી છે. વર્તમાન મહાસચિવ સામે ઉમેદવારી નોંધાવનાર તે પ્રથમ વ્યક્તિ છે.

આકાંક્ષા હાલમાં યુનાઇટેડ નેશન્સ ડેવલપમેન્ટ પ્રોગ્રામમાં ઓડિટ કો ઓર્ડીનેટર તરીકે કાર્યરત છે.તેના મતે આ હોદા ઉપર છેલ્લા 75 વર્ષમાં કોઈ મહિલાને સ્થાન મળ્યું નથી.જો તેઓ ચૂંટાઈ આવે તો નવા ઇતિહાસનું સર્જન થશે.