ખંભાળિયા નજીક વાડી વિસ્તારમાં પ્રૌઢની આત્મહત્યા

દ્વારકા જિલ્લાના ખંભાળિયા નજીક આવેલાં વાડી વિસ્તારમાં રહેતાં પ્રૌઢે બ્લડપ્રેશરની બિમારીથી કંટાળીને તેના ઘરે ગળેફાંસો ખાઇ આત્મહત્યા કરી હતી. આ બનાવમાં પોલીસે આગળની કાર્યવાહી હાથ ધરી હતી.

બનાવની વિગત મુજબ દેવભુમી દ્વારકા જિલ્લાના ખંભાળિયા નજીકના હાઈ-વે માર્ગ પર કચેરિયા વાડી ખાતે રહેતા હરસુરભાઈ અજુભાઈ ભાચકન નામના 55 વર્ષના પ્રૌઢને છેલ્લા ઘણા સમયથી બ્લડપ્રેશરની તકલીફ હોય, તેમણે આ બીમારીથી કંટાળીને ગત તારીખ 27 ના રોજ ગળાફાંસો ખાઈ આત્મહત્યાનો પ્રયાસ કરતાં બેશુધ્ધ હાલતમાં હોસ્પિટલમાં ખસેડવામાં આવ્યા હતાં. જયા તેમનું મોત નિપજયાનું તબિબોએ જાહેર કર્યું હતું. આ અંગેની મૃતકના પુત્ર કરશનભાઈ હરસુરભાઈ ભાચકન દ્વારા જાણ કરતાં પોલીસે હોસ્પિટલ પહોંચી જઇ મૃતદેહનો કબ્જો સંભાળી આગળની કાર્યવાહી હાથ ધરી હતી.