જામજોધપુર નજીક આવેલા સતાપરથી વાંસજાળીયા તરફ જતા માર્ગ પરથી ગત તા. 3-10-2019 ના રોજ એક ટ્રકમાં લઈ જવાતો રૂા.3,28,500 કિંમતનો 657 બોટલ પરપ્રાંતિય શરાબનો જથ્થો મળી આવ્યો હતો. જે સંદર્ભે જે-તે સમયે જામજોધપુર પોલીસ મથકમાં ધોરણસર ગુનો નોંધવામાં આવ્યો હતો.
- Advertisement -
આ પ્રકરણમાં ભાણવડ તાલુકાના પાસતરડી ગામના રાજુ ઉર્ફે કારા સરમણ હુણ નામના 24 વર્ષના શખ્સનું નામ ખુલવા પામ્યું હતું. છેલ્લા ત્રણ વર્ષથી ફરાર થઈ ગયેલો આ શખ્સ ભાણવડ પંથકમાં આવ્યો હોવાની ચોક્કસ બાતમી જિલ્લા એલસીબી પોલીસ દ્વારકા ભાણવડ વિસ્તારમાં હાથ ધરવામાં આવેલા પેટ્રોલિંગ દરમિયાન એએસઆઈ કેશુરભાઈ ભાટિયા, જયદેવસિંહ જાડેજા તથા જીતુભાઈ હુણને મળતા આ શખ્સને ઝડપી લેવામાં આવ્યો હતો. જેને જામજોધપુર પોલીસને સોંપવાની તજવીજ કરવામાં આવી હતી.
- Advertisement -
