જામનગર-ખંભાળિયા ધોરીમાર્ગ પર ગુરૂવારે બપોરના સમયે કારચાલકે કાબુ ગુમાવી સામેની સાઈડમાં આવતી કાર સાથે ધડાકા ભેર અથડાતા કારચાલકને ગંભીર ઈજા પહોંચતા મોત નિપજ્યું હતું.
અકસ્માતના બનાવની વિગત મુજબ, જામનગર-ખંભાળિયા હાઈવે પર સોમનાથ હોટલ પરની સામે ગુરૂવારે બપોરના સમયે જીજે-05-જેફ-7767 નંબરની મહીન્દ્રા કુન્ટો કારના ચાલક હાર્દિક નંદાસણા નામનો શખ્સે માર્ગ પર થડકો આવતા કાર સ્ટીયરીંગ પરનો કાબુ ગુમાવી દેતા પલ્ટી ખાઈ સામેના રોડ પરથી આવતી જીજે-12-સી-9743 નંબરની મારૂતિ કાર સાથે અથડાતા અકસ્માત થયો હતો. આ અકસ્માતમાં મારૂતિકારના ચાલક હિતેશ પરમારને શરીરે અને માથામાં ગંભીર ઈજા જ્યારે ભાવેશભાઈને નાની મોટી ઈજાઓ પહોંચી હતી. અકસ્માતમાં ઘવાયેલા હિતેશ પરમારનું સારવાર દરમિયાન મોત નિપજ્યું હતું. આ બનાવ અંગેની પ્રકાશભાઈ ચુડાસમા દ્વારા જાણ કરાતા પીએસઆઈ કે.એમ. જાડેજા તથા સ્ટાફે હોસ્પિટલ પહોંચી જઈ મૃતદેહનો કબ્જો સંભાળી આગળની કાર્યવાહી હાથ ધરી હતી.
