ઠેબા પાસેથી ગાંજાની હેરાફેરી કરતી મહિલા ઝડપાઇ

જામનગરના ઠેબા નજીકથી પોલીસે ગાંજાની હેરાફેરી કરતી સિક્કાની મહિલાને એક કિલો ગાંજા સાથે ઝડપી લીધી છે.

જામનગર એસઓજીને મળેલી બાતમીના આધારે જામનગર નજીકના ઠેબા ગામ પાસે વોચ ગોઠવવામાં આવી હતી. જે દરમિયાન કબ્રસ્તાન સામેના રોડ પર એક મહિલાની શંકાસ્પદ હિલચાલ જણાતા પોલીસે મહિલાને અટકાવી તેની તલાશી લેતા તેણીના કબજામાંથી રૂા.71,350ની કિંમતનો 6 કિલો 100 ગ્રામ ગાંજાનો જથ્થો મળી આવ્યો હતો. આથી પોલીસે એનડીપીએસ એકટ હેઠળ મહિલા સામે ગુન્હો નોંધયો હતો. પુછપરછ દરમિયાન આ મહિલા સિક્કાની હોવાનું બહાર આવ્યું છે. આ કાર્યવાહી એસઓજી પીઆઇ એસ.એસ.નિનામા પીએસઆઇ આર.વી.વિંછી તથા સ્ટાફ દ્વારા કરવામાં આવી હતી.