ઓશવાળ એજ્યુકેશન ટ્રસ્ટ સંચાલિત લીલાવંતી નેચર ક્યોર એન્ડ યોગ રિસર્ચ સેન્ટર લાખાબાવળ, સૂર્યા ફાઉન્ડેશન, ઇન્ટરનેશનલ નેચરોપેથી ઓર્ગેનાઇઝેશનના ઉપક્રમે અને નેશનલ ઇન્સ્ટીટયૂટ ઓફ નેચરોપથી, આયુષ મંત્રાલય, ભારત સરકારના સહયોગથી આજે વિશ્ર્વ નેચરોપેથી દિવસ નિમિત્તે સવારે એક રેલીનું આયોજન કરવામાં આવ્યું હતું. આ રેલી પતંજલિ કેન્દ્ર ડીકેવી સર્કલથી શરુ કરીને શહેરના વિવિધ માર્ગો પર ફરી અને હરિયા સ્કૂલ ખાતે પૂર્ણાહુતિ કરવામાં આવી હતી. આ ઉપરાંત આજે સાંજે 4 થી 6 દરમિયાન કુંવરબાઇ જૈન ધર્મશાળ, જયુ જેલ રોડ ખાતે રસોઇની રાણી શિર્ષક અંતર્ગત નેચરોપેથી સારવાર વિશે માહિતી તથા જાગૃતિ કેળવવા એક સેમિનારનું આયોજન પણ જાહેર જનતાના લાભાર્થે કરવામાં આવ્યું છે. આ સેમિનારમાં વૈદ્ય જીતુભાઇ પટેલ તથા તજજ્ઞો દ્વારા માર્ગદર્શન આપવામાં આવશે. જેનો જામનગરની જનતાને લાભ લેવા માટે અપીલ કરવામાં આવી છે.
વધુ વિગત માટે મો. 99135 61453, 99785 61453 પર સંપર્ક કરવો.
