જામનગર શહેરના નવાગામ ઘેડ વિસ્તારમાં રહેતાં શખ્સના મકાનમાંથી પોલીસે રેઈડ દરમિયાન રૂા.51,000 ની કિંમતની 102 બોટલ દારૂ મળી આવતા અટકાયત કરી આગળની કાર્યવાહી હાથ ધરી હતી. જામનગરના રાંદલનગર વિસ્તારમાંથી બાઈક પર પસાર થતા શખ્સની તલાસી લેતા તેની પાસેથી રૂા.2000 ની કિંમતની દારૂની પાંચ બોટલ મળી આવતા શખ્સની અટકાયત કરી વધુ તપાસ હાથ ધરી હતી.
દરોડાની વિગત મુજબ, પ્રથમ દરોડો જામનગર શહેરમાં નવાગામ ઘેડ વિસ્તારમાં નવાગામ ઘેડ વિસ્તારમાં રહેતાં જયેશ રમેશ ચાવડા નામના દૂધનો વ્યવસાય કરતા શખ્સના મકાનમાં દારૂનો જથ્થો હોવાની સિટી બી ડીવીઝનના હેકો રવિરાજસિંહ જાડેજા, ક્રિપાલસિંહ સોઢા, પો.કો. યુવરાજસિંહ જાડેજાને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચનાથી ડીવાયએસપી જે.એન. ઝાલાના માર્ગદર્શન હેઠળ પીઆઇ કે.જે. ભોયે તથા પીએસઆઈ સી.એમ.કાંટેલિયા, એએસઆઈ હિતેશભાઈ ચાવડા, હેકો મુકેશસિંહ રાણા, રવિરાજસિંહ જાડેજા, રાજેશભાઈ વેગડ, ક્રિપાલસિંહ સોઢા તથા પો.કો. ધર્મેન્દ્રસિંહ જાડેજા, યુવરાજસિંહ જાડેજા, હિતેશભાઈ સાગઠીયા, મનહરસિંહ જાડેજા, સંજય પરમાર સહિતના સ્ટાફે રેઈડ દરમિયાન તલાસી લેતા મકાનમાંથી રૂા.51,000 ની કિંમતની 102 નંગ ઈંગ્લીશ દારૂની બોટલો અને એક મોબાઇલ મળી કુલ રૂા.51,500 ના મુદ્દામાલ સાથે ધરપકડ કરી પૂછપરછ હાથ ધરતા દારૂનો જથ્થો રાજકોટના સુભાષ યાદવ દ્વારા સપ્લાય કરાયો હોવાનું ખુલતા પોલીસે બે શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.
બીજો દરોડો, જામનગર શહેરના રાંદલનગર વિસ્તારમાંથી નંબર વગરના બાઈક પર પસાર થતા જયવિજયસિંહ ગુલાબસિંહ જાડેજા નામના શખ્સને આંતરીને સિટી બી પોલીસે તલાસી લેતા તેના કબ્જામાંથી રૂા.2000 ની કિંમતની ઈંગ્લીશ દારૂની પાંચ બોટલ મળી આવતા પોલીસે બાઈક અને દારૂની બોટલ સાથે શખ્સની ધરપકડ કરી વધુ તપાસ હાથ ધરી હતી.
