જામનગર શહેર નજીક ઠેબા ચોકડી પાસેથી પસાર થતા જૂનાગઢના શખ્સને એલસીબીની ટીમે દબોચી લઇ લાયસન્સ વગરની ગેરકાયદેસર પિસ્તોલ સાથે ઝડપી લઇ વધુ પૂછપરછ હાથ ધરતાં આ પિસ્તોલ સુરેન્દ્રનગરના શખ્સ પાસેથી ખરીદ્યાની કેફિયત આપી હતી.
આ અંગેની વિગત મુજબ, જામનગર શહેર નજીક આવેલી ઠેબા ચોકડી પાસેથી પિસ્તોલ સાથે શખ્સ પસાર થવાની એલસીબીના ભગીરથસિંહ સરવૈયા અને હરદીપ ધાંધલને મળેલી બાતમીના આધારે જિલ્લા પોલીસવડા દિપન ભદ્રનની સૂચનાથી પીઆઈ એસ. એસ. નિનામા, પીએસઆઈ આર.બી. ગોજિયા, કે.કે. ગોહિલ, બી.એમ. દેવમુરારી તથા માંડણભાઇ વસરા, સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, અશ્ર્વિનભાઈ ગંધા, દિલીપભાઈ તલવાડિયા, ફીરોજભાઈ દલ, હિરેભાઈ વરણવા, ભગીરથસિંહ સરવૈયા, હરદિપભાઈ ધાધલ, પ્રતાપભાઈ ખાચર, વનરાજભાઈ મકવાણા, રઘુભા પરમાર, ધાનાભાઈ મોરી, યશપાલસિંહ જાડેજા, નિર્મળસિંહ જાડેજા, અજયસિંહ ઝાલા, યોગરાજસિંહ રાણા, બળવંતસિંહ પરમાર, લખમણભાઈ ભાટિયા, ભારતીબેન ડાંગર, એ.બી. જાડેજા સહિતના સ્ટાફે વોચ ગોઠવી હતી.
દરમિયાન બાતમી મુજબનો શખ્સ પસાર થતા ટીમે ભીમા કરશન ટાપરિયા (રહે. મધુરમ એપાર્ટમેન્ટ, જુનાગઢ) નામના શખ્સને આંતરીને તલાસી લેતા તેના કબ્જામાંથી રૂા.25000 ની કિંમતની લાયન્સ વગરની ગેરકાયદેસર પિસ્તોલ મળી આવતાં ટીમે ભીમાને દબોચી લઇ પૂછપરછ હાથ ધરતા આ પિસ્તોલ સુરેન્દ્રનગરના સમીર અનવર કંડાણી નામના શખ્સ પાસેથી ખરીદ્યાની કેફિયત આપતા એલસીબીએ બે શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.
