નૌ સેના સપ્તાહ સમારોહ અંતર્ગત અને આઝાદી કે અમૃત મહોત્સવની સ્મૃતિમાં 10 ડિસેમ્બરના રોજ વાલસુરા ખાતે રકતદાન શિબિરનું આયોજન કરવામાં આવ્યું હતું જેમાં જી.જી. હોસ્પિટલ બ્લડ બેંક જામનગરના સહયોગથી આ રકતદાન કેમ્પનું આયોજન કરાયું હતુંં. આ રકતદાન કેમ્પનું ઉદઘાટન વાલસુરાના નવા અધ્યક્ષ પુનિત કૌરના હસ્તે કરવામાં આવ્યું હતું. તેમણે રકતદાતાઓ સાથે મુલાકાત કરી તેમની પ્રશંસા કરી હતી.
- Advertisement -
આ રકતદાન કેમ્પનો હેતુ નૌ સેના સમુદાયમાં નિ:સ્વાર્થતાની ભાવના ઉત્પન્ન કરવાની સાથે-સાથે સિવિલ સૈન્ય સહયોગ પ્રતિ સદભાવનામાં વૃધ્ધિ કરવાનો હતો. આ રકતદાન કેમ્પમાં વાલસુરાનો કર્મચારીઓ તેમજ તેમના પરિવારજનો પણ ઉપસ્થિત રહી રકતદાન કર્યુ હતું. જેમાં 250 બોટલ એકત્ર થયું હતું. જેને જી.જી. હોસ્પિટલ બ્લડ બેંકમાં જમા કરાવવામાં આવ્યું હતું.
- Advertisement -
