ખીમરાણા ગામમાં પોલીસે જાહેરમાં તીનપતીનો જુગાર રમતા આઠ શખ્સોને રૂ 5810ની રોકડ સાથે ઝડપી લીધા હતા. કાલાવડના મેઘપર ગામમાંથી 3 શખ્સો જુગાર રમતા ઝડપાયા હતા.
જુગાર દરોડાની વિગત મુજબ, પ્રથમ દરોડો જામનગર જીલ્લાના ખીમરાણા ગામમાં ગ્રામપંચાયતની સામે આવેલ વડલાના ઝાડ નીચે જાહેરમાં તીનપતીનો જુગાર રમાતો હોવાની બાતમીના આધારે પોલીસે રેઇડ દરમ્યાન નરેન્દ્ર પીતામ્બર માંડવીયા, નાનજી હીરજી માંડવીયા, મહેન્દ્ર જમન માંડવીયા,અરવિંદ જમન માંડવીયા, વિજય કાનજી ધારવીયા, રાહુલ વસંત ધારવીયા, બેચર દેવરાજ પરમાર તથા મરછા લીંબા ગમારા નામના આઠ શખ્સોને રૂ 5810ની રોકડ સાથે તીનપતીનો જુગાર રમતા ઝડપી લીધા હતા.
બીજો દરોડો કાલાવડના મકાજી મેઘપર ગામમાં આવેલ બસ સ્ટેન્ડ પાસે જુના વાસમાં લીમડાના ઝાડ નીચેથી પોલીસે વિનુ ઉર્ફે વિનોદ ભગવાનજી પરમાર, બાબુ ખીમજી પરમાર, રમેશ ગોવિંદ બોખાણી નામના ત્રણ શખ્સોને જુગાર રમતા ઝડપી લઇ રૂ.5150ની રોકડ સહિતનો મુદ્દામાલ કબજે કર્યો હતો.
