કલ્યાણપુર પંથકના મહિલાની 108 ટીમ દ્વારા સધન સારવાર અપાઈ

કલ્યાણપુર તાલુકાના ખાખરડા ગામે રહેતા જાંજીબેન નામના 55 વર્ષના પ્રૌઢા બેભાન થઈ જતા આ અંગે ઇમરજન્સી 108 ને જાણ કરવામાં આવી હતી. જેને અનુલક્ષીને રાણ-લીંબડી લોકેશનની 108 એમ્બ્યુલન્સ ઘટના સ્થળે પહોંચવા નીકળી હતી. ખાખરડા ગામના વાડી વિસ્તારમાં જતા અહીં રસ્તો ખૂબ જ ખરાબ હોવાના કારણે એમ્બ્યુલન્સ એક સ્થળે રાખી અને આ એમ્બ્યુલન્સના ઈ.એમ.ટી. દશરથભાઈ રામ અને પાયલોટ અક્ષયભાઈએ એક કિલોમીટર મહિલાના ઘર સુધી ચાલતા જઈ અને બીમાર રહેલા જાંઝીબેનને સ્ટ્રેચર ઉપર લાવી અને 108 માં જરૂરી સારવાર આપી હતી.

ત્યારબાદ આ મહિલા દર્દીને વધુ સારવારની જરૂરિયાત જણાતા નજીકની સરકારી હોસ્પિટલમાં ખસેડવામાં આવ્યા હતા.