જામનગર તાલુકાના ખીજડિયા બાયપાસ નજીક આવેલી ગાયત્રી હોટલના કમ્પાઉન્ડમાં નિંદ્રાધિન યુવાન ઉપર ડમ્પર ફરી વળતા ઘટનાસ્થળે જ મોત નિપજ્યું હતું. બનાવમાં પોલીસે ડમ્પરચાલક વિરૂધ્ધ ગુનો નોંધી તપાસ આરંભી હતી.
- Advertisement -
અકસ્માતના બનાવની વિગત મુજબ, જામનગર તાલુકાના ખીજડિયા બાયપાસ નજીક આવેલી ગાયત્રી હોટલના કમ્પાઉન્ડમાં રાત્રિના સમયે ચાલીસેક વર્ષનો અજાણ્યો યુવાન સુતો હતો તે દરમિયાન વહેલીસવારે જીજે-7-યુયુ-9095 નંબરના ડમ્પરના ચાલકે તેનું ડમ્પર બેફીકરાઈથી અને પૂરઝડપે ચલાવી યુવાનને ચગદી નાખતા માથામાં અને શરીરમાં ગંભીર ઈજા પહોંચતા ઘટનાસ્થળે જ મોત નિપજ્યું હતું. આ અંગે અનવરભાઈ કાઝી દ્વારા જાણ કરાતા પીએસઆઈ એમ.આર. સવસેટા તથા સ્ટાફે સ્થળ પર પહોંચી જઇ મૃતદેહનો કબ્જો સંભાળી ડમ્પરચાલક વિરૂધ્ધ ગુનો નોંધી આગળની કાર્યવાહી હાથ ધરી હતી.
- Advertisement -
