પ્રધાનમંત્રી નરેન્દ્ર મોદી સાથે વિદ્યાર્થીઓ, વાલીઓ અને શિક્ષકોના વાર્તાલાપના કાર્યક્રમ ‘પરીક્ષા પે ચર્ચા’ ની પાંચમી આવૃત્તિમાં ભાગ લેવા માટે નોંધણીની તારીખ 3 ફેબ્રુઆરી સુધી લંબાવવામાં આવી છે. કાર્યક્રમમાં ભાગ લેવા માટે, વિદ્યાર્થીઓ, શિક્ષકો અને વાલીઓ MyGov વેબસાઇટ પર ‘પરીક્ષા પે ચર્ચા 2022’ વિભાગમાં નોંધણી કરાવી શકે છે. આ કાર્યક્રમમાં પીએમ મોદી વિદ્યાર્થીઓ સાથે મળીને બોર્ડની પરીક્ષાઓને કારણે તણાવ ઓછો કરવાની ટિપ્સ આપે છે. PM નરેન્દ્ર મોદી વિદ્યાર્થીઓ સાથે પરીક્ષા અંગે ચર્ચા કરશે, જેની જાહેરાત તેમણે મન કી બાતમાં કરી હતી.
પ્રધાનમંત્રી નરેન્દ્ર મોદીએ ટ્વિટ દ્વારા ‘પરીક્ષા પે ચર્ચા’ 2022 કાર્યક્રમમાં ભાગ લેવા માટે રસ ધરાવતા વાલીઓ અને શિક્ષકોને અપીલ કરી હતી. સ્પર્ધાના આધારે 2050 વિદ્યાર્થીઓ, શિક્ષકો અને વાલીઓને કાર્યક્રમ માટે પસંદ કરવામાં આવશે અને તેમને ‘પરીક્ષા પે ચર્ચા 2022 નોંધણી’ કીટ પણ આપવામાં આવશે. મંત્રાલયના જણાવ્યા અનુસાર, ધોરણ 9 થી 12 ના વિદ્યાર્થીઓ પ્રોગ્રામમાં ભાગ લઈ શકે છે અને વધુમાં વધુ 500 શબ્દોમાં પ્રશ્નો દાખલ કરી શકે છે.
The registration date to participate in #PPC2022 has been extended to 3rd February 2022. Register today to get a chance to interact with Prime Minister Shri @narendramodi and talk about stress-free examinations. Visit: https://t.co/C1UBfaHDOT pic.twitter.com/Vg8KI6W6e2
— Ministry of Education (@EduMinOfIndia) January 28, 2022
સ્પર્ધાને લઈને વિદ્યાર્થીઓ માટે કેટલાક વિષયો નક્કી કરવામાં આવ્યા છે, જેમાં કોવિડ-19 દરમિયાન પરીક્ષાની તણાવ વ્યવસ્થાપન વ્યૂહરચના, તેમના ગામ અને શહેરનો ઈતિહાસ, સ્વનિર્ભર ભારત માટે સ્વનિર્ભર શાળાઓ, સ્વચ્છ ભારત ગ્રીન ભારત, પર્યાવરણ સંરક્ષણનો સમાવેશ થાય છે. દર વર્ષે પીએમ મોદી ‘પરીક્ષા પે ચર્ચા’ કાર્યક્રમ દ્વારા વિદ્યાર્થીઓ, વાલીઓ અને શિક્ષકો સાથે વાર્તાલાપ કરે છે.
16 ફેબ્રુઆરી 2018ના રોજ તાલકટોરા સ્ટેડિયમ ખાતે વિદ્યાર્થીઓ સાથે પ્રધાનમંત્રીના વાર્તાલાપ કાર્યક્રમ ‘પરીક્ષા પે ચર્ચા’ની પ્રથમ આવૃત્તિ યોજાઈ હતી. આ કાર્યક્રમમાં પીએમ મોદી વિદ્યાર્થીઓ સાથે સીધો સંવાદ કરે છે અને પરીક્ષાને લગતી વ્યૂહરચના શું હોવી જોઈએ અને પરીક્ષાના તણાવને કેવી રીતે હેન્ડલ કરવું વગેરે અંગે વિશેષ ચર્ચા કરવામાં આવે છે.
