જામનગરની જી. જી. હોસ્પિટલમાં બિમારી સબબ અજાણ્યા પ્રૌઢનું મોત નિપજતા પોલીસે ઓળખ મેળવવા તપાસ હાથ ધરી હતી. તેમજ સારવારમાં રહેલા અન્ય પ્રૌઢનું હોસ્પિટલમાં મોત નિપજતા પોલીસે બન્ને મૃતદેહનો કબ્જો સંભાળી પીએમ માટે મોકલી ઓળખ મેળવવા તજવીજ હાથ ધરી હતી.
બનાવની વિગત મુજબ પ્રથમ બનાવ જામનગર શહેરની જી. જી. હોસ્પિટલના વોર્ડ નંબર 101માં બિમારી સબબ સારવાર લઇ રહેલા 50 વર્ષના અજાણ્યા પ્રૌઢનું મોત નિપજયાનું ફરજ પરના તબીબોએ જાહેર કર્યું હતું. તેમજ આ જ વોર્ડમાં 108 એમ્બ્યુલન્સ દ્વારા દાખલ કરાયેલા અને સારવાર લઇ રહેલા 55 વર્ષના અજાણ્યા પ્રૌઢનું બિમારી સબબ મોત નિપજયાનું તબીબોએ જાહેર કયુર્ં હતું. આ બન્ને બનાવ અંગે હિતેશગીરી દ્વારા જાણ કરાતાં પીએસઆઇ જે. પી. સોઢા તથા સ્ટાફે હોસ્પિટલ પહોંચી બન્ને મૃતદેહનો કબ્જો સંભાળી પીએમ માટે મોકલી બન્નેની ઓળખ મેળવવા સહિતની કાર્યવાહી હાથ ધરી હતી.
