જામનગર એલસીબી દ્વારા શહેરમાંથી બે પીસ્ટલ તથા કાર્ટીસ સાથે બે શખ્સોને ઝડપી લઇ હથીયારધારા મુજબ કાયદેસરની કાર્યવાહી કરી હતી.
આ અંગેની વિગત મુજબ જામનગરમાં ખોજા ગેઇટ ચોકમાં એક શખ્સ પાસે પીસ્ટલ હોવાની એલસીબીના સંજયસિંહ વાળા,ફિરોઝભાઇખફી તથા યોગરાજસિંહ રાણાને બાતમી મળી હતી.બાતમીના આધારે એલસીબી દ્વારા રેઇડ દરમ્યાન તનવીર ઇકબાલ ખતરી નામના શખ્સને રૂા.25,000ની કિંમતની પીસ્ટલ તથા રૂા.500ની કિંમતની 5નંગ કાર્ટીસ મળી કુલ રૂા.25,500ની કિંમતનો મુદ્દામાલ કબ્જે કર્યો હતો. તેમજ હથીયાર સપ્લાય કરનાર મધ્યપ્રદેશના રેવા જિલ્લાના ચેચાઇ ગામનો અફઝલ અનવર ખતરીને ઝડપી લેવા તજવીજ હાથધરી છે.
બીજો દરોડો જામનગરના પવનચકકી બસસ્ટોપ પાસે એક શખ્સ પીસ્ટલ સાથે હોવાની એલસીબીના ભગીરથસિંહ સરવૈયા, હરદીપભાઇ ધાધલ તથા શીવભદ્રસિંહ જાડેજાને મળેલ બાતમીના આધારે રેઇડ હસન આમદ ખફી નામના શખ્સને પવનચકકી બસ સ્ટોપ પાસેથી આંતરી લઇ રૂા.25,000ની કિંમતની પીસ્ટલ તથા રૂા.200ની કિંમતની બે નંગ કાર્ટીસ સહિત કુલ રૂા.25,200ના મુદ્દામાલ સાથે ઝડપી લીધો હતો. અને હથીયાર સપ્લાય કરનાર જામનગરના નાસીર ગફર ખફીની શોધખોળ હાથ ધરી હતી.
આ કાર્યવાહી જિલ્લા પોલીસવડા પ્રેમસુખ ડેલુની સુચનાથી એલસીબીના પીઆઇ કે.કે. ગોહિલ સૂચનાથી પીએસઆઈ આર.બી.ગોજિયા તથા સ્ટાફના સંજયસિંહ વાળા, હરપાલસિંહ સોઢા, અશ્ર્વિનભાઈ ગંધા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, રાકેશ ચૌહાણ, લખમણભાઈ ભાટિયા, સુરેશભાઈ માલકિયા, ધમેન્દ્રસિંહ જાડેજા અને દયારામ ત્રિવેદી, ભારતીબેન ડાંગર સહિતના સ્ટાફ દ્વારા કરવામાં આવી હતી.
