જોડિયા તાલુકાના તારાણા ગામ પાસે આવેલા ટોલનાકા નજીકથી એલસીબીની ટીમએ કારને આંતરીને તલાશી લેતાં તેમાંથી રૂા. 2,64,000ની કિંમતની 2400 નાની બોટલ ઇંગ્લીશ દારૂના જથ્થા સાથે બે શખ્સોને દબોચી લઇ ચાર શખ્સો વિરૂઘ્ધ ગુનો નોંધી આગળની તપાસ હાથ ધરી હતી. જામનગર તાલુકાના કનસુમરા ગામના પાટિયા પાસેથી એલસીબીની ટીમે 290 નંગ દારૂના ચપલા સાથે શખ્સને ઝડપી લીધો હતો.
આ દરોડાની વિગત મુજબ જામનગર-કચ્છ ધોરીમાર્ગ પર ટોલનાકા પાસેથી દારૂ ભરેલી કાર પસાર થવાની સુમિતભાઇ શિયાર, ભયપાલસિંહ જાડેજા, ભરતભાઇ ડાંગરને મળેલી બાતમીના આધારે પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે વોચ ગોઠવી હતી.
આ વોચ દરમ્યાન બાતમી મુજબની કાર જોડિયા તાલુકાના તારાણા ગામના ટોલનાકા પાસેથી પસાર થતાં એલસીબીની ટીમએ જીજે37-બી-9981 નંબરની બ્રેઝા કારને આંતરીને તલાશી લેતાં તેમાંથી રૂા. 2,64,000ની કિંમતની ઇંગ્લીશ દારૂની 2400 નંગ નાની બોટલો મળી આવતાં એલસીબીએ રૂા. 10 હજારની કિંમતના બે મોબાઇલ ફોન, રૂા. પાંચ લાખની કિંમતની કાર મળી કુલ રૂા. 7,74,000ની કિંમતના મુદામાલ સાથે મુસ્તાક ખમુ સફિયા સંધી (રહે. જામનગર) અને સુનિલ જયસુખ મકવાણા (રહે. હાપા, જામનગર) નામના બે શખ્સોને દબોચી લઇ પૂછપરછ હાથ ધરતાં આ દારૂનો જથ્થો જામનગરના સાહિલ મોદી અને સદ્ામ ઉર્ફે મુનિયો સફિયા નામના બે શખ્સોએ ભાગીદારીમાં મંગાવ્યો હતો. દારૂનો આ જથ્થો કચ્છના કટારિયા ગામ પાસેથી અજાણ્યા શખ્સે સપ્લાય કર્યાની કેફિયતના આધારે એલસીબીની ટીમએ પાંચ શખ્સો વિરૂઘ્ધ ગુનો નોંધી આગળની કાર્યવાહી હાથ ધરી હતી.
આ ઉપરાંત જામનગર તાલુકાના કનસુમરા ગામના પાટિયા પાસેથી દારૂના જથ્થા સાથે શખ્સ પસાર થવાની એલસીબીના અજયભાઇ વીરડા અને કિશોરભાઇ પરમારને મળેલી બાતમીના આધારે એલસીબીની ટીમએ રેઇડ દરમ્યાન ઘનશ્યામસિંહ હનુભા ચાવડા (રહે. જામનગર) નામના શખ્સની તલાશી લેતાં તેની પાસેથી રૂા. 29,000ની કિંમતના 290 નંગ દારૂના ચપલા તથા મોબાઇલ મળી કુલ રૂા. 29,500નો મુદામાલ કબ્જે કરી પૂછપરછ હાથ ધરતાં આ દારૂનો જથ્થો સુરતના રાજુ પાસેથી ખરીદ્યાની કેફિયતના આધારે એલસીબીની ટીમએ આગળની તપાસ હાથ ધરી હતી.
