જામનગર શહેરના 59 દિગ્વીજય પ્લોટ વિસ્તારમાંથી પોલીસે રેઈડ દરમિયાન એક શખ્સને રૂા.5,500 ની રોકડ રકમ સાથે વર્લીમટકાના જૂગાર રમતા ઝડપી લીધો હતો. લાલપુર શહેરમાં પોલીસે રેઈડ દરમિયાન એક શખ્સને વર્લી મટકાનો જૂગાર રમતા ઝડપી લીધો હતો.
જૂગાર દરોડાની વિગત મુજબ, પ્રથમ દરોડો જામનગર શહેરમાં 59 દિગ્વીજય પ્લોટમાં એક શખ્સ વર્લીમટકાનો જૂગાર રમતો હોવાની બાતમીના આધારે સીટી એ પોલીસે રેઈડ દરમિયાન અનિલ લક્ષ્મણ બજાજ નામના શખ્સને રૂા.5500 ની રોકડ રકમ સહિતના મુદ્દામાલ સાથે વર્લીમટકાનો જૂગાર રમતા ઝડપી લઇ કાયદેસરની કાર્યવાહી હાથ ધરી હતી.
બીજો દરોડો, લાલપુર તાલુકામાં ચાર થાંભલા પાસે વર્લીમટકાનો જૂગાર રમાતો હોવાની બાતમીના આધારે સ્થાનિક પોલીસે રેઈડ દરમિયાન રસિક પ્રભુદાસ ગોહિલ નામના શખ્સને વર્લીમટકાનો જુગાર રમતા ઝડપી લઇ રૂા.170 ની રોકડ રકમ તથા વર્લીમટકાનું સાહિત્ય કબ્જે કર્યુ હતું.
