જામનગરમાં રણજીતસાગર રોડ પર મારૂ કંસારા હોલ પાછળ રહેતાં શખ્સના મકાનમાં અને કારમાંથી એલસીબીની ટીમે તલાસી લેતા તેમાંથી રૂા.2.30 લાખની કિંમતની દારૂની 684 બોટલ અને એક મોબાઇલ તથા ચાર લાખની કિંમતની કાર મળી કુલ રૂા.6,35,400 ના મુદ્દામાલ સાથે બે ભાઈઓને ઝડપી લઇ ચાર શખ્સો વિરૂધ્ધ ગુનો નોંધી તપાસ હાથ ધરી હતી. જામનગર શહેરમાં ગાંધીનગરમાં સાંઈરામ સોસાયટી બાવળની ઝાડીઓમાંથી દારૂની હેરાફેરી કરતા બે શખ્સોને પોલીસે 56 બોટલ દારૂ સાથે ઝડપી લઈ આગળની કાર્યવાહી હાથ ધરી હતી. જામનગર તાલુકાના સાપર ગામમાંથી પોલીસે દારૂની બે બોટલ સાથે એક શખ્સને ઝડપી લીધો હતો.
મળતી વિગત મુજબ, જામનગર શહેરમાં રણજીતસાગર રોડ પર આવેલા મારુ કંસારા હોલ પાછળ પંચવટી સોસાયટી શેરી નં.2 માં રહેણાંક મકાનમાં દારૂનો જથ્થો હોવાની એલસીબીના કિશોર પરમાર, અશોક સોલંકી અને વનરાજ મકવાણાને મળેલી બાતમીના આધારે જિલ્લા પોલીસવડા નિતેશ પાંડેયની સુચનાથી પીઆઇ એસ.એસ. નિનામાની સૂચનાથી પીએસઆઈ આર.બી.ગોજિયા, બી.એમ. દેવમુરારી, કે.કે. ગોહિલ તથા સ્ટાફના માંડણભાઈ વસરા, સંજયસિંહ વાળા, હરપાલસિંહ સોઢા, અશ્ર્વિનભાઈ ગંધા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, ખીમભાઈ ભોચિયા, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, લખમણભાઈ ભાટિયા, સુરેશભાઈ માલકિયા, દયારામ ત્રિવેદી તથા ધમેન્દ્રસિંહ જાડેજા સહિતના સ્ટાફે રેઈડ દરમિયાન દિપક ઉર્ફે અટુપટુ જમનાદાસ જેઠવાણી અને જય જમનાદાસ જેઠવાણી નામના ભાઇઓના ઘરમાંથી અને કારમાંથી તલાસી લેતા રૂા.2,30,400 ની કિંમતની 684 બોટલ દારૂ મળી આવ્યો હતો.
એલસીબીની ટીમે રૂા.2,30,400 ના દારૂ અને રૂા.4 લાખની કિંમતની એક કાર તથા રૂા.5 હજારની કિંમતનો એક મોબાઇલ મળી કુલ રૂા.6,35,400 ના મુદ્દામાલ સાથે દિપક અને જય નામના બે ભાઈઓની ધરપકડ કરી પૂછપરછ હાથ ધરતા આ દારૂનો જથ્થો જામનગરના પાર્થ ઉર્ફે જાંબલી જીતેન્દ્ર સીંધી અને પ્રફુલ્લ ઉર્ફે પાગો ખજુરિયા ભદ્રા નામના બે શખ્સો દ્વારા સપ્લાય કરાયો હોવાની કેફીયત આપતા એલસીબીએ ચાર શખ્સો વિરૂધ્ધ ગુનો નોંધી બે સપ્લાયરોની શોધખોળ માટે ચક્રો ગતિમાન કર્યા હતાં.
બીજો દરોડો, જામનગર શહેરમાં ગાંધીનગરમાં સાંઈરામ સોસાયટી બાવળની ઝાડીઓમાં દારૂની હેરાફેરી કરતા હોવાની બાતમીના આધારે સીટી બી ડીવીઝન પોલીસ સ્ટાફે રેઈડ દરમિયાન પાર્થ ઉર્ફે રોકી રાજેશ સોલંકી અને મેઘરાજસિંહ ઉર્ફે પિન્ટુ ચંદુભા ઝાલા નામના નામના બે શખ્સોને આંતરીને તલાસી લેતા તેમની પાસેથી રૂા.28000 ની કિંમતની 56 બોટલ દારૂ મળી આવતા પોલીસે બન્નેની ધરપકડ કરી ગુનો નોંધી વધુ તપાસ હાથ ધરી હતી. ત્રીજો દરોડો, જામનગર તાલુકાના સાપર ગામમાંથી પસાર થતા અજયસિંહ ઉર્ફે અજલો રણજીતસિંહ જાડેજા નામના શખ્સને આંતરીને તલાસી લેતા તેની પાસેથી રૂા.1000 ની કિંમતની દારૂની બે બોટલ મળી આવતા પોલીસે અજયસિંહની ધરપકડ કરી આગળની કાર્યવાહી હાથ ધરી હતી.
